Video
Read full review
2024-07-13
49 views
呢期喺馬鞍山出沒多，見到有間新開嘅台式火鍋店係一人一鍋，即是入去試吓啦。其實我自己本人都幾鍾意一人一鍋，因為可以唔使遷就人哋嘅口味。而且任食嘅台式火鍋最重要係有靚牛，又有唔同嘅台式小食俾你嗌到一枱都係，呢一種滿足感真係不得了。我哋叫咗$339嘅餐，可以揀嘅牛其實都超過五六種，當中有幾款我自己覺得比較出色，有其中款係200日穀飼牛同澳洲純和牛。前者牛比較腍身，中間有少少大理石紋嘅肥，所以我比較鍾意呢種口感。而後者見到會比較瘦少少，所以直落都會比較有口感啲，但係牛味都幾出，係唔錯嘅選擇。另外仲有呢度嘅封門柳係薄切，因為其他地方食到嘅風門樓都係一條條或者厚切，切食落嘅口感同平時食到嘅又唔同，會變咗頭先介紹嗰兩款嘅中間。另外除咗牛之外，佢呢度嘅豬都令我好有驚喜。因為好有豬味之餘又真係好腍，令我讚不絕口。除咗肉類之外，其實佢都有唔少海鮮類嘅選擇。其中我揀咗海蝦，帶子，八爪魚仔，大八爪魚鬚，另外最特別嘅係竟然有瀨尿蝦可以嗌。然後佢呢度嘅丸滑類有一樣超特別嘅嘢就係紅肉火龍果蝦滑，佢外邊係一層尖椒包住，所以佢個味道都幾獨特。另外都有普通嘅墨魚滑，而佢啲畫其實真係超級彈牙。另外仲有超長芝士蟹柳添。除咗火
其實我自己本人都幾鍾意一人一鍋，因為可以唔使遷就人哋嘅口味。而且任食嘅台式火鍋最重要係有靚牛，又有唔同嘅台式小食俾你嗌到一枱都係，呢一種滿足感真係不得了。
我哋叫咗$339嘅餐，可以揀嘅牛其實都超過五六種，當中有幾款我自己覺得比較出色，有其中款係200日穀飼牛同澳洲純和牛。前者牛比較腍身，中間有少少大理石紋嘅肥，所以我比較鍾意呢種口感。而後者見到會比較瘦少少，所以直落都會比較有口感啲，但係牛味都幾出，係唔錯嘅選擇。
另外仲有呢度嘅封門柳係薄切，因為其他地方食到嘅風門樓都係一條條或者厚切，切食落嘅口感同平時食到嘅又唔同，會變咗頭先介紹嗰兩款嘅中間。
另外除咗牛之外，佢呢度嘅豬都令我好有驚喜。因為好有豬味之餘又真係好腍，令我讚不絕口。
除咗肉類之外，其實佢都有唔少海鮮類嘅選擇。其中我揀咗海蝦，帶子，八爪魚仔，大八爪魚鬚，另外最特別嘅係竟然有瀨尿蝦可以嗌。
然後佢呢度嘅丸滑類有一樣超特別嘅嘢就係紅肉火龍果蝦滑，佢外邊係一層尖椒包住，所以佢個味道都幾獨特。另外都有普通嘅墨魚滑，而佢啲畫其實真係超級彈牙。另外仲有超長芝士蟹柳添。
除咗火鍋料之外，佢呢度仲有唔少嘅台式小食我想講佢呢度嘅台式小食真係好出色唔會因為佢係火鍋店而令到小食失水準。佢嘅蓮藕墨魚餅真係超級彈，又唔會炸過龍而太乾身。而最最最最最欣賞嘅係佢啲牛肚牛腩同埋牛筋因為真係炆到超級無敵勁腍，而佢個滷水汁仲要辣辣地真係超惹味。
蔬菜呢就可以出去自己拎嘅咁我見佢啲蔬菜類都好新鮮，而且仲會不斷refill，真係食幾多都有得俾你食啊。
飲品方面除咗一啲罐裝飲品之外，佢哋仲好抌本咁台式飲品都可以任飲。而你唔好以為佢俾你任飲就沖得好馬虎，絕對唔係呢一回事。呢一杯嘢飲係你平時出去買台式飲品嘅質素唔會因為任飲而淡咗或者唔好飲。我叫咗呢杯百香果三重奏入邊有唔同嘅配料，包括椰果寒天同埋百香果肉，而佢個茶底都好香，百香果都係新鮮果肉打落去，真係落重本㗎。
佢呢度仲有啤酒任飲，而最得意嘅係你落咗order之後佢會比一隻杯你自己去斟。而佢部啤酒機仲要係自動幫你斟埋泡添。除咗有Premium啤酒之外，仲有黑啤俾你揀，真係一次過滿足晒唔同人嘅慾望啊。
至於甜品方面，佢嘅選擇就比較少。只係得呢款桃膠雪耳鮮奶，我第一次食呢款又過得幾驚喜，因為佢個鮮奶甜甜地，再配埋桃膠雪耳成件事覺得好滋陰。
鍾意食凍嘅甜品，就可以選擇佢哋嘅雪糕。又係俾你自由斟，佢唔係普通嗰啲雪糕，而我覺得似雪葩多啲食落唔會咁肥添。
Post
