稻埕飯店 (V Point) (Closed)

上星期同家人去銅鑼灣稻埕飯店食dinner，首次幫襯吾知味道夠吾夠我地呢？環境好大，坐得好舒服。而且仲有紫色燈光，令整個餐廳充滿高級感覺，又可以作打卡點。白滷水九孔鮑魚：鮑魚好大隻，起初以為甘大隻口感一定好硬好難咀嚼，之後食落口感反而好彈牙！店員更細心切開，大大方便進食。白滷水無左平時啡色，味道帶少咸，味道好夾。鹽酥波士頓龍蝦脆角豆金瓜：上枱時已被佢既外觀吸引住！龍蝦肉質彈牙，鮮味十足。另外更有米通、炸南瓜、炸秋葵作伴，口感脆卜卜，越食越上癮啊！蟹肉蛋白泡泡脆米金湯：依款湯好值得推介！材料相當豐富又鮮味，包括蝦肉、帶子、蟹肉。湯底充滿蟹肉鮮味，南瓜味夠晒甜。上層既蛋白泡泡口感好似氣泡一樣，幾特別。鐵板香煎一口鵝肝牛小排：牛小排煮到半熟狀態，口感軟硬適中，牛味香口，滲出牛脂！鵝肝入口即溶，味道咸咸地，旁邊有少少蛋邊食添。八斗子炒飯：超級推介炒飯！材料同樣豐富，包括帶子、蟹肉、蟹子、豬肉鬆、皮蛋、鵝肉⋯炒飯粒粒分明，味道非常香口！大蝦插起中間，而口感彈牙實肉又鮮甜啊！氣球小女孩：賣相夠晒精緻，店員會系客人面前整出一個煙球，然後輕輕一碰，煙球就消失，令杯上有層煙霧，再加入帶燈既冰粒，用黎打卡