八沢 (筲箕灣東大街)

Open Now

Now Closed

今日黎到港島東做野，約左個港島friend食晚餐，去左成條食街咁既筲箕灣東大街，好友就話今晚帶我試新野～黎到間好有日本居酒屋格局既餐廳，裝潢富特色，卡位寬敞，坐得舒服。掃QR CODE落單，圖文並荗，介面簡單清晰又環保！厚切牛舌HK$52 口感厚實，軟嫩多汁，不會過熟，燒得剛好，吉列炸蠔 HK$38/3隻即叫即炸，金黃色澤賣相吸引，外層酥化，咬一啖，鮮嫩多汁！清酒雞肉竹笙烏冬 HK$108超足料！令人一試難忘！雞件皮滑肉嫩，竹笙爽脆，配料仲有紅棗、圓肉、蟲草花，仲有頗多娃娃菜，養生滋補又健康！鍾意藥膳既朋友仔一定會愛上～黑安格斯肉眼牛扒掛烏冬 HK$92牛扒脂肪分布均勻，肉質嫩滑牛味濃郁，油花豐富，入口軟嫩多汁。將烏冬拌勻特製醬汁，另有一番風味，仲有番茄同沙律菜，中和返油膩感。