熊貓小雲吞 (愛民廣場)

Open Now

Now Closed

夜晚收工路過見到呢間川菜舖，主打雲吞，各種川味小食。佢間話全部係用自家環保打包盒，於是幫襯下，外賣返屋企。芝麻鹽焗雞雞肉爽滑，調味適中唔會好鹹，底部係一層青瓜絲，搭配落去非常爽口。紅糖糍粑外脆內軟，搭配紅糖粉同糖漿，非常好食，解辣。金錢肚涼皮好足料！涼皮上面好多金錢肚。金錢肚醬香味配上涼皮都好好食，涼皮醬料偏酸，配上花生碎，菜脯，好開胃。串串鍋呢個串串鍋入面既豬肉丸同牛肉丸東西振興記既，好彈牙，爆汁。仲有長洲大魚蛋，海帶結，台灣腸，豆腐串，用料好足，價錢實惠，不過真係有啲辣，唔係咁食得辣既朋友可以要bb辣。