香河越南餐廳 (Closed)

星期五晚上想食得冇咁油膩，越南野係不錯既選擇。估唔到都唔洗等位就有得入 店員安排我地坐樓上，值得一讚係兩個人都比坐四人檯，可以有多的地方擺餸菜同個人物品 一落單好快好快就有野食！生牛肉湯河走洋蔥。將塊生牛肉浸兩浸熱湯就變半熟牛肉份量唔算多。先飲一啖湯，真係好鮮甜附有紅辣椒同青檸可以自己加，我幾中意青檸既清新酸味。河粉幾滑，薄切牛肉都軟稔。加埋咁甜既湯好好味 扎肉粉卷就麻麻地。扎肉薄切，本身唔夠香。粉卷包左的木耳絲係入面幾爽口。但圖片都見到本身個粉卷都穿穿地，兼具個底卷埋都幾厚。加埋好似冇咩味咁 朋友問店員咩係濱海，佢講完我地都唔係好知佢講乜就即管試下佢。蝦餅份量幾多，熱辣辣兼且香口彈牙唔錯！濱海其實類似係的米粉整成一塊皮咁，可以點魚露配埋蝦餅一齊食。濱海本身較乾，我就覺得麻麻地。上面既炸蒜乾蔥幾好食我覺得呢到都係越南河最好食！而且茶都幾好飲