Video
Read full review
2018-08-11
72 views
今日肥妹仔放工同肥媽去咗天后 既一間越式小店去試下佢既越南菜，因為肥妹仔喺網上面見到呢間餐廳係主打一啲越南嘅湯麵同越式法包。 肥妹仔咁大個都未食過越南法包，所以見到就嚟試下啦!扎肉法包 $38呢個扎肉法包入面有好多料，有扎肉，酸蘿蔔絲，芫茜，蔥，肝醬等等。 上檯嘅時候真係好似一隻潛水艇， 個法包烘得非常脆卜卜， 一啲都唔硬， 咬落去係食到好香嘅醃蘿蔔絲味， 肝醬都幾香， 同其他配料好夾， 一口咬落去有好多重嘅滋味，好好食。蟹膏蕃茄湯檬粉 $50乾檬粉入面有蟹膏餅，扎肉，香菜，豬紅，蕃茄等等， 真係有好多餸。 肥妹仔我第一次食蟹膏餅， 真係有一陣蟹膏嘅鮮味， 個蟹膏餅嘅口感都幾札實。 豬紅好爽口， 番茄好大舊，煮到好諗， 個湯底勁濃蕃茄味， 酸酸甜甜,夏天食就一流!!三色蛋豬扒飯 $50上碟嘅時候有一塊好似蛋餅， 肥妹仔食咗一啖， 有一陣蝦米嘅味道， 我估應該係蝦米撈埋肉碎同埋蛋去整成嘅， 好特別，肥妹仔我未食過! 塊豬扒好大塊， 食落去個外皮係甜甜的， 豬扒嘅肉質好結實， 個味調得啱啱好好，不錯。 個set仲會有一碗白菜湯， 好清甜，冇落味精，肥妹仔我飲咗成碗。米紙蝦卷 $35肥妹仔
扎肉法包 $38
呢個扎肉法包入面有好多料，有扎肉，酸蘿蔔絲，芫茜，蔥，肝醬等等。 上檯嘅時候真係好似一隻潛水艇， 個法包烘得非常脆卜卜， 一啲都唔硬， 咬落去係食到好香嘅醃蘿蔔絲味， 肝醬都幾香， 同其他配料好夾， 一口咬落去有好多重嘅滋味，好好食。
蟹膏蕃茄湯檬粉 $50
乾檬粉入面有蟹膏餅，扎肉，香菜，豬紅，蕃茄等等， 真係有好多餸。 肥妹仔我第一次食蟹膏餅， 真係有一陣蟹膏嘅鮮味， 個蟹膏餅嘅口感都幾札實。 豬紅好爽口， 番茄好大舊，煮到好諗， 個湯底勁濃蕃茄味， 酸酸甜甜,夏天食就一流!!
三色蛋豬扒飯 $50
上碟嘅時候有一塊好似蛋餅， 肥妹仔食咗一啖， 有一陣蝦米嘅味道， 我估應該係蝦米撈埋肉碎同埋蛋去整成嘅， 好特別，肥妹仔我未食過! 塊豬扒好大塊， 食落去個外皮係甜甜的， 豬扒嘅肉質好結實， 個味調得啱啱好好，不錯。 個set仲會有一碗白菜湯， 好清甜，冇落味精，肥妹仔我飲咗成碗。
米紙蝦卷 $35
肥妹仔見到都嘩咗一聲，因為個米紙蝦卷一條都好大份。 個米紙包住咗粉絲蝦肉同埋一啲香菜， 本身係冇咩味，要點埋佢嘅花生醬先有味。 個花生醬入面有乾嘅蝦米同粒粒花生碎，超好食。
熱奶茶$8
味道都ok,不過肥妹仔係好鍾意飲奶茶嘅人,所以都叫咗一杯嚟飲!
Post
