山城小麵 (太子中心)

Open Now

Now Closed

母親大人向來喜歡吃酸辣粉，是晚特別帶她來最近很多人讚好的山城小麵。八點多來到，有二、三枱等緊位，店內坐位不多，而且麵都是即叫即煮，想快也快不了，只好乖乖地排隊等位。等了一陣有位了，坐低即點兩個一人餐（$59/ea），已經有麵有小食，仲有飲品添，本想試試冰粉卻售罄了，轉了喝喝豆漿吧。杯裝豆漿雖然係現醒野，但唔過甜，正好解解辣。口水雞翼雖然講唔上雞有雞味，但幾有咬口，吸了辣汁好正，切半雞翼好易食。蒜泥白肉呢個好正新鮮蒜蓉勁香，白肉半肥瘦，又麻又香又辣，勁好味。手拍青瓜（$22）見隔離枱食好正咁，又叫一份試試。青瓜爽脆，加了花辣油好香，越食越麻，好過引。山城牛肉麵牛肉有咬口但唔韌，好有肉味，麵條要了刀削麵，掛湯好味，要了微辣剛剛好，越食越正。紅燒肥腸麵另一碗係肥腸刀削麵小辣，腸清潔得好乾淨，無異味，有咬口又入味，正，小辣真係幾辣吓，但還可以啦～見隔離幾枱都食大辣，成碗粉紅色㗎，好犀利，雖然自己鍾意食辣，但又唔係幾食得，哈哈，小辣就夠了。