Video
Read full review
2012-03-22
61 views
一年前仍住喺東大街時，同太太都會成日幫襯「呂仔記」，但後來某原因而家少咗幫襯。並唔係再唔喺東大街住，小弟外父外母大人都係住嗰便幾十年，外母仲識個「事頭婆」添，其實喺搬之前巳開始少幫襯佢啦。先讚讚佢，佢嘅自製魚肉燒賣的確好味，除咗啲皮厚咗啲外，加辣椒油熱刺刺放入口，全只燒賣均全魚肉製，魚肉鮮及辣油香；嘩真係食唔停口碗仔翅製作都好用心，湯底食得出用雞湯煲嘅，有頗濃雞味，而且間中食到雞骨碎添。用料亦足，有冬菇絲、雞絲、素魚翅；啖啖料，佢同燒賣係我至愛食完整多杯鮮椰汁或者腐竹意米糖水就滿足哂佢嘅魚肉湯湯底亦好認真，奶白色，真係魚湯嚟，好鮮甜；係唔知點解啲魚肉就無咩魚味....奇怪我少幫襯咗，係由於換咗企檔阿叔，以前負責車仔麵、碗仔翅及魚肉湯嘅矮叔叔一年前走咗，而家嗰個好鬼「那喳」佢自從嚟做之後，個檔就污糟邋遢不堪...濕淰淰不堪...隻手永遠都油淋淋不堪...每次翅就天一半地一半，當碗边掛住翅汁時，佢就用隻油淋淋嘅手隨手攞起放喺檔頭塊污糟邋遢嘅布抹隻碗嘩...登時咩食慾都無哂......我仲見過佢揸條水喉向檔頭射水，當時我企喺佢檔前買緊燒賣，親眼見啲水混咗啲食物殘渣沖入啲魚湯湯底及
先讚讚佢，佢嘅自製魚肉燒賣的確好味，除咗啲皮厚咗啲外，加辣椒油熱刺刺放入口，全只燒賣均全魚肉製，魚肉鮮及辣油香；嘩真係食唔停口
碗仔翅製作都好用心，湯底食得出用雞湯煲嘅，有頗濃雞味，而且間中食到雞骨碎添。用料亦足，有冬菇絲、雞絲、素魚翅；啖啖料，佢同燒賣係我至愛食完整多杯鮮椰汁或者腐竹意米糖水就滿足哂
佢嘅魚肉湯湯底亦好認真，奶白色，真係魚湯嚟，好鮮甜；係唔知點解啲魚肉就無咩魚味....奇怪
我少幫襯咗，係由於換咗企檔阿叔，以前負責車仔麵、碗仔翅及魚肉湯嘅矮叔叔一年前走咗，而家嗰個好鬼「那喳」
佢自從嚟做之後，個檔就污糟邋遢不堪...濕淰淰不堪...隻手永遠都油淋淋不堪...每次翅就天一半地一半，當碗边掛住翅汁時，佢就用隻油淋淋嘅手隨手攞起放喺檔頭塊污糟邋遢嘅布抹隻碗嘩...登時咩食慾都無哂......我仲見過佢揸條水喉向檔頭射水，當時我企喺佢檔前買緊燒賣，親眼見啲水混咗啲食物殘渣沖入啲魚湯湯底及車仔麵湯度...咁「那喳」，唔通老細唔知嘅？
而且越食越貴，好似我以上食一食就三十幾四十銀喇
衛生方面，食店來說是絕對重要，請有關人士強加留意及改善
Other Info. :
編緝先生，我呢篇食評全為我所見，且並無任何挑釁字句，為何一直不獲批核？
(The above review is the personal opinion of a user which does not represent OpenRice's point of view.)
Post