小甜將 (Closed)

依家成日諗食乜都要諗好耐😂3點幾未食晏～其實去大家樂食下午茶～雞髀紅豆冰都唔知幾正😫但係要比d 爭扎 堅持 食·黃·店😤最後山長水遠由新城市行咗過嚟咗呢間甜品舖（冇錯 去食甜品當食晏😂）一入到黎見到老闆娘條圍裙寫住 「我哋真係好L鍾意香港」😭😭不愧我專登過嚟幫襯 雖然入面已經冇晒文宣，但都知道係真黃店😭 叫咗榛子朱古力窩夫 $65 即叫即整 等咗大約10分鐘就有啦～屋村小店來講相當唔錯🥰😍比咗好多nutella 小朋友就最開心了～仲有好多其他選擇 例如楊枝甘露 棉花冰等等 😍 一班朋友黎就最啱啦係呢區 咁黃嘅黃店真係越來越少喇😫 所以大家快d 黎幫襯下啦！