Chotto Maki (廈門街) (Closed)

返工自己一個食lunch, 去咗近利東街嘅一間小小壽司店食特色壽司。店內座位唔多, 餐廳主打外賣, 原本都打算外賣嘅我幸運地有位, 可以堂食~主打卷物壽司, 款款配搭多款健康食材, 只係揀食咩款, 都需要花點時間。 見肚餓, order了一款特大壽司卷物【CRUNCH】HK$72比起一般卷物大, 反傳統式以壽司飯包住刺身等食材, 包括有沙律菜、大大粒三文魚刺身、青豆, 層次很豐富, 再配上沙律醬、櫻花蝦。多款食材配搭美味, 又滿足口感, 一咬之下, 飯卷鬆散, 食得狼狽。 【帆立貝壽司】HK$42帆立貝厚身鮮甜, 一碟有三件, 抵食~好食一定要買多盒返公司同同事share【PHILADELPHIA】HK$72櫃筒式紙盒包裝, 避免了外賣期間壓爛壽司卷物, 設計貼心。飯卷包住三文魚粒同埋芝士, 面層再佈上牛油果片、沙律醬、蟹籽。整體口感細滑, 咀嚼時仲食到芝士淡淡嘅奶油香。