Video
Read full review
2018-12-08
50 views
唔痴家嘅我，收工都要搵朋友們黎chill 下先安樂，天氣開始轉凍，最岩就打我至愛嘅邊爐。今次由朋友帶路去左豉油街搵食，呢間餐廳嘅係一人火鍋「湯。米」。平常食火鍋一定要一班人先去食到，如果唔係都幾重皮，試過兩人去食散叫邊爐埋單都要6百人頭，仲要樣樣一大碟食到唔想食，一人邊爐確實係解決左呢個問題。餐牌唔選擇唔多，小食介乎$2-38蚊左右，而火鍋有9款湯底選擇介乎$98-112左右，每個鍋都會配白飯/粉絲，都算幾實惠。而飲品方面，呢間嘅特式係佢旁邊有一個角落係做手調飲品，飲品都有成三十幾款，仲有家陣最hit嘅芝士奶蓋。韓國泡菜鍋 $112 🌶 - 呢個鍋好豐富，應該唔需要配飯就已經好飽肚喇，湯底微酸微辣。香辣牛肉鍋 $108 🌶🌶- 辣妹嘅我又點會唔叫辣呢，味道夠濃，唔需要再加點其他醬汁。重口味首選。泰式海鮮鍋 $112 🌶- 呢個價錢，有大蝦，蜆，青口，份量唔算少。湯底辣度唔算強，唔食得辣嘅朋友都食得到。沙茶牛肉鍋 $108 - 朋友話湯底非常重沙茶香味，非常滿意。滷肉飯 （餐加$12）- 豬肉肥瘦適中，滷肉汁當然係白飯良伴啦小香腸 $28 - 係肥仔最愛嘅邪惡小食柚子蜜雞翼 $26 -
今次由朋友帶路去左豉油街搵食，呢間餐廳嘅係一人火鍋「湯。米」。平常食火鍋一定要一班人先去食到，如果唔係都幾重皮，試過兩人去食散叫邊爐埋單都要6百人頭，仲要樣樣一大碟食到唔想食，一人邊爐確實係解決左呢個問題。
餐牌唔選擇唔多，小食介乎$2-38蚊左右，而火鍋有9款湯底選擇介乎$98-112左右，每個鍋都會配白飯/粉絲，都算幾實惠。
而飲品方面，呢間嘅特式係佢旁邊有一個角落係做手調飲品，飲品都有成三十幾款，仲有家陣最hit嘅芝士奶蓋。
韓國泡菜鍋 $112 🌶 - 呢個鍋好豐富，應該唔需要配飯就已經好飽肚喇，湯底微酸微辣。
香辣牛肉鍋 $108 🌶🌶- 辣妹嘅我又點會唔叫辣呢，味道夠濃，唔需要再加點其他醬汁。重口味首選。
泰式海鮮鍋 $112 🌶- 呢個價錢，有大蝦，蜆，青口，份量唔算少。湯底辣度唔算強，唔食得辣嘅朋友都食得到。
沙茶牛肉鍋 $108 - 朋友話湯底非常重沙茶香味，非常滿意。
滷肉飯 （餐加$12）- 豬肉肥瘦適中，滷肉汁當然係白飯良伴啦
小香腸 $28 - 係肥仔最愛嘅邪惡小食
柚子蜜雞翼 $26 - 炸得外皮香脆，但肉質都保持多汁嫩滑，同柚子蜜味道匹配。但如果柚子汁拌勻就更好喇。
芝士茶茶八號 - 芝士奶蓋份量足（佔全杯1/3）味道亦不輸比外邊飲品店，鹹甜比例洽好。今次我叫嘅係少甜。
芝士莓莓 - 朋友叫嘅，呢杯更高身抵飲，味道微酸。
滿杯菠蘿 - 都係朋友叫嘅，朋友話菠蘿味好香，杯裡有加菠蘿粒粒更有手感。
總括黎講，以人頭百雲零左右，可以滿足到2個願望，每款火鍋都有心思配埋唔同嘅配料，加上有埋手調飲品做選擇，的確係抵食嘅。係平價版口袋邊爐餐廳
Post
