Video
Read full review
2021-04-21
61 views
雖則堂食開放返一段時間，但都始終未有出街食飯既意欲，上星期，心血來潮，好想打邊爐，適逢朋友生日，又唔想去一般火鍋店，朋友建議旺角尚膳，話係養生既火鍋，聽落幾新鮮，即刻就book位try try。一去到坐底個感覺都已經唔錯，裝修行中國風，好似古時d客棧咁，地方又幾闊落，枱同枱之間唔好近好逼挾，幾好！湯底有好多選擇 有招牌既美人鍋、魚雲鍋、麻辣鍋同椰子雞等等，成班仔揀美人鍋驚俾人笑 所以最尾點左椰子雞。上個鍋既時候，估唔到非常足料，好多椰子肉之餘，仲要俾哂成隻雞！侍應會幫手淥雞，佢話個時間要拿捏得好，先食到滑雞， 我地即管跟佢指示做啦，結果，又真係有d計咼，有別於平時邊爐淥雞都會淥到好鞋，再配上特製既沙薑，更加惹味。打得邊爐，又點會唔食牛呢，我哋叫左個本土牛頸脊，碟上寫明淥10秒就食得，見個雞跟佢指引食咁正，淥牛就梗係照跟啦。一放入口，嘩！有牛味之餘，脂肪位半溶係口，二話不說就已經再淥一件，非常正！仲有試左樣新野叫牛黃喉，我大香厘未聽過，朋友極力推薦就即管一試，點知一試難忘，口感爽脆，食到「索索」聲，唔食過都估唔到個口感咁特別，暫時都未諗到有咩食物有類似質感，非常值得一試。除此以外，仲嗌左
一去到坐底個感覺都已經唔錯，裝修行中國風，好似古時d客棧咁，地方又幾闊落，枱同枱之間唔好近好逼挾，幾好！
湯底有好多選擇 有招牌既美人鍋、魚雲鍋、麻辣鍋同椰子雞等等，成班仔揀美人鍋驚俾人笑 所以最尾點左椰子雞。
上個鍋既時候，估唔到非常足料，好多椰子肉之餘，仲要俾哂成隻雞！侍應會幫手淥雞，佢話個時間要拿捏得好，先食到滑雞， 我地即管跟佢指示做啦，結果，又真係有d計咼，有別於平時邊爐淥雞都會淥到好鞋，再配上特製既沙薑，更加惹味。
打得邊爐，又點會唔食牛呢，我哋叫左個本土牛頸脊，碟上寫明淥10秒就食得，見個雞跟佢指引食咁正，淥牛就梗係照跟啦。一放入口，嘩！有牛味之餘，脂肪位半溶係口，二話不說就已經再淥一件，非常正！
仲有試左樣新野叫牛黃喉，我大香厘未聽過，朋友極力推薦就即管一試，點知一試難忘，口感爽脆，食到「索索」聲，唔食過都估唔到個口感咁特別，暫時都未諗到有咩食物有類似質感，非常值得一試。
除此以外，仲嗌左鴨血，象拔蚌，硯等等配料，全部份量都好足，而且最後埋單價錢仲要唔貴，抵食之選！
我一定會再黎幫襯！因為想試下佢其他湯底係未都咁正嘛
Post
