大邊爐火鍋店

Open Now

Now Closed

唔知係咪因為就快到秋天，成日都覺得天氣涼涼哋，就同咗屋企人去宋皇臺依間「大邊爐火鍋專門店」打邊爐，今次Order咗佢哋自家製嘅出品，食到D特別D嘅菜式。*此餐廳收取加一服務費。西班牙黑毛豬（單點$188），黑毛豬採用天然穀飼餵養，肉質肥瘦均勻，肉味濃郁。大邊爐四式餃（單點$92），莧菜帶子餃，帶子食落帶有一絲絲口感，味道鮮甜，莧菜份量多；鮮蝦水餃，豬肉、蝦肉比例適中；沙葛芹菜豬肉餃，味道清甜；自家製魚皮餃，外皮口感四川麻辣湯底（單點$88），花膠口感嫩滑，內有唐排、京蔥，湯底辣度6分，飲落帶有藥材味道。竹笙木耳（單點$70），竹笙口感爽滑，容易入味，木耳口感爽脆。三拼雜菰（單點$50），內有油麥菜、唐嵩菜、生菜，食落好新鮮。山水豆腐（單點$26），口感厚身，略嫌口感未夠嫩滑，豆味濃香。芥醬（兩人$40），包括有秘製XO醬、豉油、沙茶醬、炸蒜、香蔥、蒜蓉、指天椒。酸菜（單點$18），青木瓜口感爽脆，味道酸甜。