吃扒

Open Now

Now Closed

今次朋友揀咗呢間，見佢都係少少走懷舊扒房嘅feel，有滾水蛋果d。所以估唔到佢竟然有生酮menu，不過呢期冇生酮都係叫返凡人食物🤣。 軟殼蟹牛油果蟹籽忌廉扁意粉 軟殼蟹夠脆，牛油果都有半個都幾足料，好食嘅，不過有埋炸野同牛油果就有d膩。🔥20cm吉列豬扒 見佢好有睇頭就叫咗，切落去果下仲feel到脆，炸身又唔會太厚做得好好，豬扒夠厚，食到勁飽❗️🔥熱溶芝士紐西蘭牛柳 牛柳叫咗5成啱啱好，雖然牛柳幾cm厚但都成舊都夠淋👍👍揀咗黑椒汁都幾夠黑椒。個芝士偏淡果種，冇咁易膩，不過點埋汁就會俾個汁蓋過咗🙈今次加咗套餐，有餐包、湯、飲品同甜品。 飲品揀咗唂咕，侍應講明係唔甜同少少苦，的確係勁可可，覺得呢杯野好啱生酮緊嘅朋友🤣 不過冇飲慣無糖嘅朋友應該唔會like。 甜品係雪糕，正正常常都ok。如果唔係因為餐有甜品，應該會叫火焰雪山，見隔離檯叫咗放火勁靚😍。個人覺得餐廳上菜速度太快，飲咗兩啖湯已經上咗意粉，扒果d都陸續勁快上哂😂所以食果陣有d野食係會凍少少。