Video
Read full review
2022-10-10
282 views
近來天氣終於涼返啲，所以去咗跑馬地散步🌤。呢個社區靜中帶旺，自成一角，有唔少老字號商舖同特色餐廳。我哋夜晚就幫襯咗位於內街轉角位嘅「Coffeelin」。餐廳環境別具風味，有室外座位，可以帶埋寵物一齊到訪。店內滿有復古氣息，暗色系配上工業風嘅裝潢，再加特高樓底，打卡一流📸。呢度日頭喺Cafe，夜晚就係酒吧餐廳，所以只賣酒水🥂、不賣咖啡。除咗輕食之外，佢亦提供意粉等比較飽肚嘅食物，晚餐食就啱晒。Antipasti($98)，首先嚟一個前菜拼盤，開開胃🤤。拼盤內容豐富，包括油浸橄欖、芝士釀蕃茄仔、意大利風乾火腿同埋脆麵包薄片。全部食物都好惹味，但又唔會過鹹。🥓薄切火腿帶油脂香，食落喺口中溶化。Truffle Mushroom Gnocchi($128)，香港雖然多咗好多餐廳有賣薯仔粉團Gnocchi🥔，但口味大不同。我認為呢度嘅幾出色，因為每粒外層都煎脆咗，薯仔比例較多，唔係得嚿麵粉，富層次感。搭伴嘅雜菇再配埋蒜香松露汁，令菜式充滿菇香🍄。Duck Ragu Paccheri($128)，呢碟Pasta較Gnocchi濃味，感覺有少少似肉醬意粉🍝，不過肉碎就換成為鴨肉絲，肉味幾香，份量都幾
近來天氣終於涼返啲，所以去咗跑馬地散步🌤。呢個社區靜中帶旺，自成一角，有唔少老字號商舖同特色餐廳。我哋夜晚就幫襯咗位於內街轉角位嘅「Coffeelin」。
餐廳環境別具風味，有室外座位，可以帶埋寵物一齊到訪。店內滿有復古氣息，暗色系配上工業風嘅裝潢，再加特高樓底，打卡一流📸。
呢度日頭喺Cafe，夜晚就係酒吧餐廳，所以只賣酒水🥂、不賣咖啡。除咗輕食之外，佢亦提供意粉等比較飽肚嘅食物，晚餐食就啱晒。
Antipasti
$98
6 views
0 likes
0 comments
Truffle Mushroom Gnocchi
$128
12 views
0 likes
0 comments
Truffle Mushroom Gnocchi($128)，香港雖然多咗好多餐廳有賣薯仔粉團Gnocchi🥔，但口味大不同。我認為呢度嘅幾出色，因為每粒外層都煎脆咗，薯仔比例較多，唔係得嚿麵粉，富層次感。搭伴嘅雜菇再配埋蒜香松露汁，令菜式充滿菇香🍄。
Duck Ragu Paccheri
$128
7 views
0 likes
0 comments
Duck Ragu Paccheri($128)，呢碟Pasta較Gnocchi濃味，感覺有少少似肉醬意粉🍝，不過肉碎就換成為鴨肉絲，肉味幾香，份量都幾多。Paccheri係巨型長通粉，中間空窿嘅位置掛汁一流，口感彈牙。醬汁以紅酒汁做底🍷，再加入蕃茄等食材，食落仲帶微微辣。
HV Tiramisu($68)，作為提拉米蘇達人嘅我當然要嗌嚟試吓🤣，佢嘅形狀幾經典，不過顏色就與別不同。因為上層佔咗一半係白色嘅馬斯卡邦芝士；而下層就係浸泡咗咖啡酒嘅手指餅☕️，味道都算正宗。但伴旁嘅藍莓醬對我而言，就有啲格格不入。
The Hugo($78)，餐廳提供多款傳統Cocktail🍹，價錢唔貴，好適合同朋友飲返杯。我點嘅呢款由意大利氣泡酒、接骨木花酒、薄荷同梳打水溝成，味道好夾，酒味恰到好處，感覺清新🌿。
總括嚟講，如果去開跑馬地嘅話，不妨可以考慮到訪Coffeelin，喺度食嘢飲嘢，通通都得。放假遠離煩囂，嚟Chill一下吧😃！
Post
