Video
Read full review
2019-05-31
661 views
姐在中環返工，好多時中午都會行上蘇豪食飯，呢間中東北非菜餐廳不時經過但因為無午市無試過，今晚難得約左朋友放工一聚，擇日不如撞日就試試！第一次食中東北非菜充滿未知數，知道呢間餐廳連續7年成為米芝蓮推介的餐廳，更加期待。門口設計得好靚，裝修用色鮮艷繽紛，再加上摩洛哥的裝飾及音樂，滿室異國情調。前菜揀左茄子口味的hommos（鷹嘴豆泥），另外會配上一籃麵包（一片原味一片麥味）呢款Sahara Bread以小麥粉和白麵粉製成，表面乾身，內裏卻非常香軟帶甜，鹰咀豆泥加左雜菜粒及少量調味，感覺非常清新。 Cous Cous Le Souk呢個係餐廳的Signature Dish，Cous Cous （古斯米）係用粗麵粉整成一粒粒獨立唔會黏埋一齊既小米，比較乾身味道唔重，所以會配羅宋湯一齊食，羅宋湯用左好多唔同雜菜煮成，唔係好杰身但味道好濃郁，充滿蕃茄香。主角係Lamb Shank(羊腿/膝)，配上牛肉腸，羊肉煮得腍一切就散，平時唔食羊都唔會覺得好蘇，牛肉腸烤至兩面微焦，十分香口。塔吉鍋 主菜我地揀左塔吉鍋三文魚，塔吉鍋外形非常有趣，呈三角圓錐可以令蒸氣循環上升，減少水分流失以保持到菜餚既水分，達至
門口設計得好靚，裝修用色鮮艷繽紛，再加上摩洛哥的裝飾及音樂，滿室異國情調。
前菜揀左茄子口味的hommos（鷹嘴豆泥），另外會配上一籃麵包（一片原味一片麥味）呢款Sahara Bread以小麥粉和白麵粉製成，表面乾身，內裏卻非常香軟帶甜，鹰咀豆泥加左雜菜粒及少量調味，感覺非常清新。
Cous Cous Le Souk
呢個係餐廳的Signature Dish，Cous Cous （古斯米）係用粗麵粉整成一粒粒獨立唔會黏埋一齊既小米，比較乾身味道唔重，所以會配羅宋湯一齊食，羅宋湯用左好多唔同雜菜煮成，唔係好杰身但味道好濃郁，充滿蕃茄香。主角係Lamb
Shank(羊腿/膝)，配上牛肉腸，羊肉煮得腍一切就散，平時唔食羊都唔會覺得好蘇，牛肉腸烤至兩面微焦，十分香口。
塔吉鍋
主菜我地揀左塔吉鍋三文魚，塔吉鍋外形非常有趣，呈三角圓錐可以令蒸氣循環上升，減少水分流失以保持到菜餚既水分，達至原汁原味。因為前菜吃得有點慢，放得太久導致魚肉略為過熟了一點，調味酸酸甜甜好開胃。
每個外藉侍應都好好，會問清楚口味有咩唔食再細心介紹菜式，仲送左兩杯house red wine比我地飲！呢餐飯真係食得好心滿意足呀！
Post
