蘇三茶室 (Closed)

土瓜灣一帶既餐廳都食過唔少，但好少係美善同道搵食。童年時星期六長週經常同同學仔食早餐既粥店都早就變成左一間小廚茶餐廳，經過呢條街既機會少之有少，反而上面靠背壟道行得仲多xD 無啦啦點會走入車房堆姐？有日，係書店揭揭下旅遊書，發現左蘇三茶室，決定去試下。老實說，本書講既就好似美化左太多xD 不過事實都不失為一間幾有特色既餐館門口以墨綠色木門窗框，中國剪紙做裝飾，冇家既感覺，但卻有少許老北京胡同既色彩。店內確實如書所說不難搵到貓公仔既蹤影，但係咪貓痴既喜愛就不得而知，畢竟未必個個鐘意阿蟲式既貓繪畫xD 都係果句，門面唔係最重要既，重要既係食物質素菜式都幾多源化，Fusion菜，中式撈面加西式煙薰肉咁，不過價錢都同樣幾貴，最平果樣都$88起。我地叫左個煙薰豬手撈幼面/ 魚湯海鮮湯飯/ 6吋芝士雞肉薄餅。煙薰豬手撈幼面: 煙薰肉可選雞肉，但未試過煙薰豬手都一試無妨，薄片鹹香配以中式蝦子撈面，好好食。魚湯海鮮湯飯: 意想唔到既係加左花雕酒，味道有D似花雕薑片蒸蟹。清清淡淡感覺幾新鮮。芝士雞肉薄餅: 細細個薄餅，岩曬想樣樣試下又怕太大個既人。芝士雞肉味濃，內裡有少少香料，唔錯。就咁三樣野，埋單就已