BBQ Military (Closed)

朋友介紹尖沙啞有間韓燒叫BBQ 7080好正，仲有幾間分店，咁o岩有間分店係荃灣，近近地星期日就搭西鐵去呢間分店BBQ Military。我地一早就book左位，加上時間尚早，所以都唔算好多人。個場成個軍事基地咁，好有特色，而且仲有射擊遊戲免費俾客人玩，食到飽飽地都可以去玩下~我地三條友好似餓鬼投胎咁，狂點野食，叫左豬肉拚盤、八爪魚、烤鰻魚(韓國產)、辣豬大腸、海鮮湯。佢個格局同正宗韓國烤肉一樣，但無喜來稀肉的煮蛋位。每個人都有一份屬於自己的前菜拚盤，個盤好似人地軍人分配的飯盤，好搞鬼。辣豬大腸超級好吃，口感煙韌，唔會有豬腸平時的腥臭味，但有烤完會有豬腸應有的香氣，仲之好正，大推! 但我地點左辣的，但個辣度對我地黎講算好辣，所以下次都係點唔辣。另外，點左份烤鰻魚(韓國產)，呢個我都大推，烤完超香超脆~而且肉質好鮮甜結實~而且唔會有泥味~此外，豬肉拚盤就o岩晒幾個朋友一齊share，又唔駛諗食咩，樣樣都有d，而且肉質相當不錯。佢有附無限refill的生菜、紫蘇業、麵鼓醬、青辣椒同蒜粒，夾埋一齊超正!!另外，我地叫左個海鮮湯，d海鮮大得好誇張，啖啖都係肉!!個湯都ok鮮甜，但比起尖東「古宮