Passion (Closed)

第一次認識呢間餐廳係由我到個法文老師口中得知，加上法協會員證可以免費換到passion 既vip card ，所以我偶然lunch 都會過黎食下沙律或者其他法式料理。呢道既沙律款每次都有八款可選，客人先選擇大size (400g可揀四款)或者細size (250g可揀三款)。今次我揀左雞沙律，印度小米，蕃茄芝士同埋貝款粉沙律。雞沙律的雞用上雞柳，但雞柳唔會有好「鞋」既感覺；印度小米係我差不多每次都會揀的一款，自從之前係法國食過，就念念不忘，因為去左歐洲一個月，冇食過飯，印度小米正好解決到我既需要。呢道既小米亦都係用左香料整，有咖哩既味道；蕃茄芝士和橄欖油仲有好多好多香草混合在一起，蕃茄好新鮮，熟度剛好，唔會軟軟的；貝殻粉沙律略嫌普通了一點，不過粉煮得剛好，不會太熟。另外三文治既選擇有好多，好多都想試，但唯有要下次。今次就試左個燒雞三文治。堂食的話店員會主動翻熱。翻熱時間剛剛好，不會焗到個包又乾又硬；而燒雞用左香料處理過，有少少辣，係一個唔錯既選擇。今次晚餐吃，vip card 有八折，真係好抵食！