龍閣極上火鍋料理 (Closed)

以前火鍋係散叫幾有質素，依家轉左268蚊任食，同朋友12345去試下。坐低睇坐張火鍋紙有搵笨嘅感覺， 得中間白色column 係任叫，係稻香48蚊同38蚊會見到嘅野， 極普通，有啲伏味。另外，有自助小食吧，有白灼蝦、雞腳、青瓜木耳。我唔食雞腳，但朋友們話好好味。個蝦好新鮮大隻好食！點左湯底，即上刺身拼盤，有鮑魚，三文魚、希靈魚、生蝦、八爪魚，最正係個生蝦，三文魚可以去多啲皮會好啲囉！吸睛嘅仲有海鮮拼盤我地叫左蕃茄薯仔牛腩湯底，放左啲蝦同龍蝦入去，變左蕃茄海鮮濃湯湯底。之前食過好味嘅手切肥牛只有配給人頭份，絕對唔夠喉，追加就要加298蚊一碟或者58蚊位任叫。食左配給份嘅手切肥牛，我地一致決定加58蚊位任追加。追加嘅手切肥牛好澎湃！仲一黎黎左4碟，我只係寫左2喺追加，太多，勉強先食哂，唔想做大嘥鬼。其他任食嘅食材實在好普通，亮點只有手打墨魚丸好足料同魚皮好脆。任飲選擇唔算多，有幾款道地紙包野飲、可樂、雪碧、忌廉。無左以前啲竹蔗茅根。因為加錢追加，每人360蚊，比散叫貴，難食回本，但啲牛得確好好味。