西樹泡芙 (旺角站)

Open Now

Now Closed

以往都有幫襯過旺角地鐵站呢間西樹泡芙分店，成日去旺角搭地鐵嘅人應該都知，呢間泡芙店嘅香氣都幾勁，一落地鐵站就會聞到泡芙香，每次都引到人好想買嚟食。因為當日有同事係旺角工作，返去個陣就外賣西樹泡芙比大家食，下午茶又有着落啦。呢間店嘅泡芙選擇都算多，有水果款、大熱抹茶、特濃朱古力個類，每次都揀到選擇困難症發作。今次試下意大利芝士泡芙，第一次食呢隻味。-意大利芝士泡芙＄25呢款泡芙外層唔係原味泡芙咁簡單，仲有朱古力脆脆包圍住，口感比一般泡芙更加豐富。而夾心嘅忌廉主要用意大利軟身芝士製成，面頭有灑上些少咖啡粉，旁邊亦插住手指餅乾。夾心整體都盡量還原tiramisu有嘅元素，忌廉頗香滑，唔會太重牛油膩感。加上有咖啡粉，配上朱古力泡芙，個感覺都幾夾。不過我自己就覺得手指餅乾有點多餘，同成個泡芙融合唔到。