Dan Ryan's Chicago Grill (又一城)

Open Now

Now Closed

為食龍小姐又出動食野。同同事一早約好LUNCH，於是用APP 訂位，唔使排隊，即刻有位。仲輕輕鬆鬆就賺左25分ASIA MILES，點解我咁遲先識用APP?由於同事話要減肥，所以叫得唔係好多主食。四個人叫左三個頭盤同小食，再加一個意大意飯，都已經好飽。埋單一人200左右，無叫野飲，都算合理。呢度個環境一流裝修好懷舊，仲有火車係天花板度行，小朋友一定好鐘意。呢度不單止適合一家大細黎，都好適合一大班朋友黎吹水。講返啲野食，整體都唔錯。有一樣要讚嘅係，一坐落黎，侍應就會拎一籃麵包俾客人。由於同事未齊，我又太肚餓，即刻食返個包。拎上手個包都仲熱辣辣，又香又軟，就忍唔住食左一個包同一件MUFFIN。MUFFIN 好好味，好真材實料，有朱古力味，又有NUTS，正。最正係可以免費REFILL!!!! LOSTER SALAD好味!!!黑松露意大利飯就一般，乾左少少，唔夠香同唔夠多汁。由於太開心，不停吹水，由一點半坐到5點半都無人催。最後，仲食多件Tiramisu，可能個人唔太鍾意Tiramisu，所以覺得無咩特別。下次要再試多啲野。