Video
Read full review
2014-12-19
4653 views
之前團購買咗呢個集團，在銅鑼灣兩間分店嘅High Tea! 因為價錢抵，呢兩間分店又未試過！之前試過即日訂位，加寧街分店Ok,而呢間唔接受，店員解釋因為西餅要早一日預數，所以一定要早一日！（我知道最少要早一日，不過閒日都想試訂 ）今次早兩日訂定位，去到剛剛三點下午茶時段！門口開揚，有好靚聖誕節裝飾，入內以藍黑為主色，座位闊落，坐得舒服！遠處有酒吧及美式桌球枱，肥髀好開心玩咗一轉（食完下午茶想再玩都唔得，已經有其他客人玩緊）因為小朋友平時好難得入到酒吧或桌球室！除了去渡假村有桌球枱，都無乜機會玩到正式桌球！所以好多小朋友玩！餐廳桌球棍仲預備一支短嘅！（好窩心 ）酒吧餐廳，有個好大電視播緊英超球賽，但係無開旁述，改放英文流行曲！所以都幾嘈，因為剛開始下午茶，未有好多人！食到中段就多啲客人，都食呢個hightea!（不過唔知係唔係全部都係團購）坐低店員已問定叫乜餐茶！我飲熱檸茶，肥髀凍檸茶！上嘅時候熱檸茶唔夠熱 （唔知茶底係唔係煲定，或沖好所有客先攞出來！）茶味唔澀，個杯唔大！一啖就無！肥髀凍檸茶大杯啲！抵飲啲！未夠鐘上菜，我們四圍影相兼玩下美式桌球！之後見店員每人攞兩個high te
坐低店員已問定叫乜餐茶！我飲熱檸茶，肥髀凍檸茶！上嘅時候熱檸茶唔夠熱 （唔知茶底係唔係煲定，或沖好所有客先攞出來！）茶味唔澀，個杯唔大！一啖就無！肥髀凍檸茶大杯啲！抵飲啲！
未夠鐘上菜，我們四圍影相兼玩下美式桌球！之後見店員每人攞兩個high tea三層架出來（好像去飲上乳豬咁）上咗個三層架，一睇賣相，High Tea食物一樣，但比加寧街分店差啲（就係一樣嘅食物先有比較），連肥髀都話呢度差點！味道唔差，但賣相無嗰邊咁精緻！奇怪係擺盤嘅次序都唔同！呢間漢堡包放底層！
底層：
和牛漢堡:麵包鬆軟，和牛味濃，有少許肉汁！
鵝肝漢堡:麵包鬆軟，鵝肝好細塊，個包唔大都佔唔到一半，又薄又細！根本食唔到鵝肝嘅juicy,一般！
焗英倫蟹肉盅:芝士蟹肉唔多，芝士味道幾濃，下面薯蓉份量唔夠加寧街分店多，味道就幾滑同幾香！
中層：
香瓜火腿:呢個最差，蜜瓜切得太薄，叉起就軟叭叭，連帶火腿都比香瓜拖累，散晒，味道唔錯！但賣相衰！
海蝦木瓜莎莎意大利包:海蝦爽口，木瓜莎莎較乾，不能黏在一起，一食就跌晒 麵包反而幾好，鬆軟唔乾！
煙三文魚蟹子青瓜沙律:多了半粒酸甜車厘茄，蟹子卜卜脆，三文魚煙韌！青瓜爽口！唔錯！
頂層：
鮮草莓撻:草莓新鮮，吉士醬唔會好甜！撻底幾脆！
糖漬蘋果朱古力杯:餐牌寫係芒果，來到見狠係淡黃色！食落先知係糖漬蘋果！味道唔錯，甜中帶酸，肉質爽口！配埋甜朱古力忌廉杯，好味！我覺得特別過芒果添！
北海道3.6牛乳布甸:布甸軟滑，牛奶味重！好味！
食物味道可以，店員好親切，肥髀去門口睇聖誕節裝飾，見店員姐姐扭緊汽球，對眼發晒光，姐姐都好好比咗朵花佢！開心死佢！我有叫店員幫手影相！佢都好nice幫手！我哋行開咗四圍影相，店員剛上飲品，企咗一陣等我們！無求其放低就算！食到中段，店員會來收走個架！唔使佔太多地方！廁所在店外，設備齊全，幾乾淨！有清潔阿姨，唔錯！
如果唔係去過加寧街分店，賣相味道有比較，呢個high tea係好味的！不過都係輸比自己人 不過氣氛呢邊會比較輕鬆，走來走去都唔會覺得怪，去玩下桌球！影下相都好輕鬆！
舒適的一餐下午茶！
Post
