人和月雞煲火鍋店 (Closed)

尖沙咀人和月雞煲，地點方便，味道good~今次食雞煲之外，叫咗個海鮮和牛set, 超豐富！雞煲揀咗bb辣，幾惹味，份量剛好，上枱已經香噴噴，炒兩炒就食得～調味有好多香料，入晒味，雞件啖啖肉～食完雞煲，可以揀湯底打邊爐，我揀咗清啲嘅鮮茄粟米甘荀湯，可以突出食材嘅鮮味同肉味～海鮮拼盤擺盤精美，扇貝新鮮鮮甜～鮑魚爽彈～海蝦味道鮮美，有部分海鮮可以無限添加，抵食～牛肉拼盤，M4和牛紋絡靚，軟嫩肥美～封門柳肉味最香濃，牛小排油花均勻，仲有其他多款可以encore嘅不同牛部位，款款薄切，肉味濃～有自助區，可以拎丸、菜、小食、甜品同埋飲品，應有盡有～