好一鍋海鮮火鍋專門店 (Closed)

朋友相約去食飯， 佐敦一定諗起光速餐， 不過今日唔可以，因為要同朋友慢慢傾慢慢食， 不二之選一定係任食打邊爐。我地5點左右到達，入面人數夠晒少，2個人都可以坐卡位。食物種類夠晒多，嗌多左碟安格斯肥牛。 安格斯肥牛出色， 肥瘦均勻完全唔會有多餘嘅嘢最重要夠曬大碟， 畫紙落幾多， 真係嚟足幾多碟，份量完全同我地入紙既一模一樣。話明任飲任食，我地一定係飲可口可樂，貪佢夠晒多氣。最後，明明2個小時既任飲任食行，我地坐到成8點先走，鋪頭都無吹我地。值得加分。