梅光軒 (登龍街) (Closed)

呢排不知不覺重咗幾磅，本來諗住午餐食少d，簡單d就去食碗拉麵，去登龍街揾到梅光軒。睇下餐牌，原來加少少有個拉麵套餐，抵好多，想減磅唯有做多d運動。套餐叫咗味噌海鮮拉麵，拉麵最重要係湯底，好似話佢哋湯頭由北海道本店運到香港，一試味道果然有保證。我一向都唔好拉麵塊叉燒，不過佢哋整得都好食。當然其他材料，元貝，蟹柳，糖心蛋等等，更合我口味。加少少錢有三件炸雞，原本份量都唔細，真係三件雞，唔係雞粒，啱啱炸起，外脆內有大量肉汁，邪惡非常，但又真係好食。更過份又加少少錢，有枝啤酒，你話呢餐過唔過份！