喜來稀肉 (Closed)

喜來稀肉係好耐之食過一次，嗰時啱啱係香港開，勁受歡迎，雖然味道唔錯，但太爆，未有機會再食，最近女友話想食燒肉，最後揀左喜來稀肉，當然要再試試呢條過江龍，睇下水準仲係唔係到。去到時雖然係平日，但都好多人，好彩有book到唔洗等，我哋揀左個壹頭牛拼盤，有喜來烤肉、牛五花、牛頸、牛肋骨肉、烤調味牛排骨，之後再追加左個水冷麵，同埋叫左兩支水果燒酒。個拼盤好快就到，啲生菜、芽菜、泡菜、青瓜、白蘿蔔，仲有芝士蛋，都已經係哂枱面，唔夠可以添加。啲牛肉一到，我哋已經迫不及待就放上去燒，首先燒左喜來烤肉，燒緊已經聞到陣陣香味，一入口果然啖啖濃郁牛味，冇叫錯，好食😋 之後到牛五花，雖然聽落牛五花以為好肥，但其實對比起平時打邊爐既肥牛，我覺得唔算肥，反而燒起黎更加香，燒耐少少都唔怕，更加香脆好食 😋之後到牛頸，牛肋骨肉、同烤調味牛排骨，呢3款都唔錯，都有牛味，但因為後者有醬關係，反而覺得冚過咗本身嘅口味。之後既水冷麵，為成個燒肉晚餐，畫上完美句號，水冷麵既酸酸甜甜啱啱好，令到本身食完燒肉嘅肥膩感，一掃而空，perfect😋