Video
Read full review
2023-08-16
453 views
又到左一個月一次嘅月經飯，朋友話好耐冇食過串燒，見到元朗開咗呢間專食串燒嘅酒吧餐廳，一於過嚟Chill下。佢呢度嘅環境都幾好，有個好靚嘅吧枱，夠晒開揚，又有個超級大電視俾人睇波，應該都幾好氣氛。佢呢度嘅串燒種類真係好多，絕對係過百款，有唔同嘅部位，內臟或者味道。好似呢款雞髀肉咁，可以一串係鹽燒一串係芝士味，啱晒唔同人嘅需要。佢個雞髀肉都幾滑，熱辣辣真係幾好食。然後佢啲多春魚的燒得夠晒乾身，唔錯。之後佢啲雞翼都有唔同嘅味道，分別係鹽燒同埋蜜糖，最重要嘅係佢啲雞翼唔會燒到乾晒，出邊個皮又燒到脆卜卜，係正嘅。平時食燒白鱔就食得多，燒東星斑你食過未？咁就可以嚟試吓啦，因為佢呢度竟然有得嗌。個魚皮都係燒到脆卜卜亦都好厚肉，不過就會乾身咗少少，但係絕對滿足到啖啖肉嘅慾望。所以我自己覺得原來攞嚟燒嘅話，都係白鱔好食啲，可能因為佢襟燒啲冇咁易乾。另外我哋叫咗一份燒貴妃蚌，佢啲貴妃蚌都真係好大隻，呢個都要俾個叻佢。因為燒到啱啱好，仲好JuicY添。另外仲有鹽燒廣島蠔，一串三隻又幾抵食，粒粒都脹卜卜，淨係睇個樣都覺得好吸引。不過如果唔係太過熟嘅話會更加好。我見到佢有玉子燒，佢個玉子燒都燒得幾好味，甜甜地，
佢呢度嘅環境都幾好，有個好靚嘅吧枱，夠晒開揚，又有個超級大電視俾人睇波，應該都幾好氣氛。
佢呢度嘅串燒種類真係好多，絕對係過百款，有唔同嘅部位，內臟或者味道。好似呢款雞髀肉咁，可以一串係鹽燒一串係芝士味，啱晒唔同人嘅需要。佢個雞髀肉都幾滑，熱辣辣真係幾好食。然後佢啲多春魚的燒得夠晒乾身，唔錯。
之後佢啲雞翼都有唔同嘅味道，分別係鹽燒同埋蜜糖，最重要嘅係佢啲雞翼唔會燒到乾晒，出邊個皮又燒到脆卜卜，係正嘅。
平時食燒白鱔就食得多，燒東星斑你食過未？咁就可以嚟試吓啦，因為佢呢度竟然有得嗌。個魚皮都係燒到脆卜卜亦都好厚肉，不過就會乾身咗少少，但係絕對滿足到啖啖肉嘅慾望。
所以我自己覺得原來攞嚟燒嘅話，都係白鱔好食啲，可能因為佢襟燒啲冇咁易乾。
另外我哋叫咗一份燒貴妃蚌，佢啲貴妃蚌都真係好大隻，呢個都要俾個叻佢。因為燒到啱啱好，仲好JuicY添。
另外仲有鹽燒廣島蠔，一串三隻又幾抵食，粒粒都脹卜卜，淨係睇個樣都覺得好吸引。不過如果唔係太過熟嘅話會更加好。
我見到佢有玉子燒，佢個玉子燒都燒得幾好味，甜甜地，唔會太乾。
蔬菜類我哋叫咗個燒大啡菇，我哋都冇預過原來佢隻菇係咁豐富，有火腿同埋鵪鶉蛋喺上面。不過佢隻菇一咬落去真係好Juicy。
最後個燒韭菜，朋友勁鍾意食，因為佢笑得好好，唔會太老又唔會太乾。
飲品方面，我叫咗佢呢度嘅麒麟啤酒，佢呢款麒麟啤有三隻唔同嘅味道，分別有白桃，玫瑰同埋原味。我自己揀咗呢款白桃味，見佢咁有造型，原來上面啲泡係沙冰嚟嘅，飲落去凍冰冰，淡淡的白桃味，唔會太苦，都幾好飲㗎，啤酒襯串燒真係一流。
Post
