Baker Talent

Open Now

Now Closed

新加坡過江龍，不過麵包款式幾多元化又貼地，大部份都係香港人嘅口味！D24榴連波蘿呢個一見就知要試！泰國D24嘅香味真係隔住膠袋都聞到！波蘿包皮好唔係鬆化脆身，雖然就少咗個口感，但好處係唔會同包體分離，食到成身都係碎屑。內餡D24榴連算幾足料，店個包三分一，好香甜，唔怕榴連嘅朋友我覺得係必食！紫薯軟包招牌款一嘅軟包系列有紫薯、檸檬芝士、蔓越莓等好多口味。包體係鬆軟有咬口，紫薯個人認為冇咁「溜」，不過可以夾心再多餡啲會更開心！蜂蜜芝士蛋糕鬆軟嘅雞蛋糕，蛋香味中挺，建議唔放雪櫃，可以稍稍預熱焗爐，再焗3分鐘，令雞蛋香出返啲，表面薄薄嘅蜂蜜芝士呈半溶狀，滲入雞蛋糕內層，甜而不膩葡撻中規中矩，size 比平時食嘅細啲，一口一個。性價比我覺得正常。