Video
Read full review
2018-06-20
2969 views
同識飲識食既長輩食飯最傷腦筋，今晚一大班人約左中學老師聚舊，由我發板預訂wishlist中既第一位。一入座就已經暗暗叫苦，以為係昏黃燈光既fine-dining格局，點知暗到冇著燈咁，六人長台設有類似food court既長板凳，初印象非常一般。係忽明忽暗既燈光下望住一張過既餐牌點餐，惟有期望食物質素得以力挽狂瀾。 難得菜式以海鮮為主又未至於天價，轉瞬間就揀好左五款。Crab Tian ($135)蟹肉沙律味道清新，雖然未至於啖啖蟹肉，但鮮味幾突出。 豪氣地鋪滿係麵包上製成蟹多士，幼滑蟹肉、爽口瓜菜同煙韌麵包交織成豐富既口感，如果係酥脆既麵包就更好喇。「其實你唔鐘意食青口，可能係未食過好食既青口姐。」對我黎講，青口從來都係腥同冇咁腥之別，Frites House Mussels ($245) 1/2kg完全顛覆左我既印象。忌廉、洋蔥、蒜頭、白酒等調味自然冇得輸，主角藍青口鮮甜飽滿，裹上忌廉汁後更幼嫩順滑。 連我在內半台唔食青口既人忽然胃口大開，後悔冇叫到1kg，對青口既陰影不藥而癒。 伴碟既薯條同麵包亦十分高質，連最後一滴汁都點埋。Super Protein Salad with Fi
一入座就已經暗暗叫苦，以為係昏黃燈光既fine-dining格局，點知暗到冇著燈咁，六人長台設有類似food court既長板凳，初印象非常一般。
係忽明忽暗既燈光下望住一張過既餐牌點餐，惟有期望食物質素得以力挽狂瀾。 難得菜式以海鮮為主又未至於天價，轉瞬間就揀好左五款。
Crab Tian
$135
69 views
0 likes
0 comments
蟹肉沙律味道清新，雖然未至於啖啖蟹肉，但鮮味幾突出。 豪氣地鋪滿係麵包上製成蟹多士，幼滑蟹肉、爽口瓜菜同煙韌麵包交織成豐富既口感，如果係酥脆既麵包就更好喇。
Frites House Mussels
$245
83 views
1 likes
0 comments
Frites House Mussels
$245
88 views
0 likes
0 comments
Super Protein Salad with Fish
$240
105 views
0 likes
0 comments
$85多舊魚令前菜一秒變main。 三文魚外脆內嫩，直頭滑到有慢煮質素。 藜麥同牛油果為主既沙律酸酸甜甜好開胃，最鐘意入面有大量外國super food食材，豆角、蕃茄仔、粟米、紅菜頭、西蘭花等非常爽甜，乃延年益壽之選。
Rosemary Roast Chicken
$255
78 views
1 likes
0 comments
老人認證係新鮮雞，雞皮微脆、厚肉而嫩滑，全隻都滲透出清新既香料味，咸淡得宜，我最愛食雞都覺得無可挑剔。 墊底既芥末忌廉汁焗薯角帶焦香，間或啪粒爆汁烤蕃茄仔，味蕾十分滿足。
Tiger Prawn and Smoked Salmon Risotto
$235
77 views
0 likes
0 comments
虎蝦夠新鮮彈牙，煙三文魚切成碎同炒，食落亦好似新鮮三文魚咁軟滑甘香。如預期般簡簡單單既味道，口感夠creamy，仲有解膩既新鮮火箭菜，配搭得宜。
50 views
0 likes
0 comments
由訂台至點餐都係全外語溝通，店員難得地笑容滿面、極具親和力，亦不斷周圍巡視、留意客人需要，即使坐係餐廳角度亦唔會有被忽視之感。
食物質素同服務態度近乎無懈可擊，可惜環境實在太昏暗嘈雜，連對方個樣都未睇得清楚，更遑論促膝長談，最後惟有急急腳轉場飲野傾計。總括而言依然係極度滿足既一晚，隨便指一道菜都唔會失望。 食物水準之高，除左每食一啖都讚好好味之外，更令一行六人未離座已經決意再訪，甚至計劃埋二、三人應該叫咩菜式。 雖然定價偏貴，但絕對物有所值，實屬生日正日之選。
Post
