Video
Read full review
2022-01-03
331 views
今日放假目標係到新世紀廣場的一間boutique買衫🧥, 上星期到過佢地葵芳分店見到件外套好鍾意但猶豫不決無買, 所以今日決定到佢新世紀分店去買(最後發現原來唔同分店賣既產品都有唔同, 見唔返件外套)。去新世紀前, 我地先到同樣位於旺角既麵賜園午餐, 預先上網睇好左要試下佢地既好鬼補雞湯麵, 唔推介, 跟連文記既質素差太遠。行完街, 又到甜品時間, 上網睇下有咩選擇, 見到新世紀都新開左間Comebuytea, 決定揀佢。近排都飲左好多次Comebuytea, 間唔中都會試下其他店舖轉下口味, 例如: 唇茶, 珍煮丹同沐白小農, 個人覺得都係Comebuytea最好飲。今次嗌左包種青心烏龍加漂浮奶霜加珍珠, 推介比喜歡清香型茶飲既人, 我也是比較偏好入口輕柔順喉型的茶款, 包種青心烏龍就是一個很不錯的選擇。漂浮奶霜即係奶蓋, 推介茶湯配漂浮奶霜這個組合, 一啖清爽淡雅的烏龍, 一啖濃郁香甜的奶霜, 一杯飲品兩種滋味, 滿足。很喜歡Comebuytea的奶霜, 打得綿密又細緻, 豐盈而幼滑, 拎到返屋企都無同烏龍茶溝埋一齊，但又一啲都唔肥膩，入口即化。想建議一下comebuytea, 效
行完街, 又到甜品時間, 上網睇下有咩選擇, 見到新世紀都新開左間Comebuytea, 決定揀佢。近排都飲左好多次Comebuytea, 間唔中都會試下其他店舖轉下口味, 例如: 唇茶, 珍煮丹同沐白小農, 個人覺得都係Comebuytea最好飲。
今次嗌左包種青心烏龍加漂浮奶霜加珍珠, 推介比喜歡清香型茶飲既人, 我也是比較偏好入口輕柔順喉型的茶款, 包種青心烏龍就是一個很不錯的選擇。漂浮奶霜即係奶蓋, 推介茶湯配漂浮奶霜這個組合, 一啖清爽淡雅的烏龍, 一啖濃郁香甜的奶霜, 一杯飲品兩種滋味, 滿足。很喜歡Comebuytea的奶霜, 打得綿密又細緻, 豐盈而幼滑, 拎到返屋企都無同烏龍茶溝埋一齊，但又一啲都唔肥膩，入口即化。
想建議一下comebuytea, 效法其他台式飲品店，將杯蓋轉為開蓋式, 膠膜式設計實在唔方便飲漂浮奶霜的客人。
Comebuytea 的飄浮奶霜系列是我飯後甜品的穩陣之選。
題外話: 之後某日, 又再幫襯Comebuytea, 佢荃灣廣場既分店, 但質素卻強差人意, 茶底太甜, 漂浮奶霜做得偏薄又輕身, 拎到返屋企有大部份已經沉左落底, 希望員工注意一下並改善。
Post
