Video
Read full review
2022-12-15
50 views
今日天寒地凍，本身勁想放飛機，但好彩最尾都有去，12月嘅餐單幾有心思，酒酣耳熱間，感受到冬日嘅暖意。晚餐一set連加一，大約$500一位麵包新鮮暖烘烘送上嚟，蘸上黑松露蜜糖，清甜又散發黑松露濃郁的香氣Parma ham沙律卷灑上厚厚的芝士粉，加埋黑松露沙律醬，味道豐富，充滿鹹香洋蔥湯上嚟時熱騰騰，味道尤其清甜，黑胡椒味幾突出，味道令人滿意，溫度亦夠哂暖胃！蘋果茴香煎鱸魚點解唔見有蘋果？因為蘋果、茴香籽混合成酸甜清新嘅醬汁，配上肥美嘅大蝦、帶子同鱸魚，出奇地夾！2塊鱸魚啱先收埋咗，睇真啲，超級肥厚鮮嫰，火喉仲煎得啱啱好添甜品係蘋果金寶Apple Crumble，頂面仲加咗塊聖誕葉，真係幾有聖誕氣氛！焦糖蘋果片係會有啲甜，不過冰凍嘅雪葩就幫手中和咗，配合脆脆嘅口感，非常滿足！仲未完嘅，最後點少得杯嘢飲！我就最欣賞呢杯香料熱紅酒，係歐洲聖誕必備嘅飲料。除咗傳統配料丁香、肉桂等，呢杯熱紅酒果味較重，相信都加咗柳橙同檸檬一齊熬煮，紅酒令人暖心微醺，香料又添上一點繽紛，真係有啲想續杯嘅！今日啲相好似影得幾有feel，全靠呢盞燈光芒四射！
晚餐一set連加一，大約$500一位
麵包新鮮暖烘烘送上嚟，蘸上黑松露蜜糖，清甜又散發黑松露濃郁的香氣
Parma ham沙律卷灑上厚厚的芝士粉，加埋黑松露沙律醬，味道豐富，充滿鹹香
洋蔥湯上嚟時熱騰騰，味道尤其清甜，黑胡椒味幾突出，味道令人滿意，溫度亦夠哂暖胃！
蘋果茴香煎鱸魚
點解唔見有蘋果？因為蘋果、茴香籽混合成酸甜清新嘅醬汁，配上肥美嘅大蝦、帶子同鱸魚，出奇地夾！
2塊鱸魚啱先收埋咗，睇真啲，超級肥厚鮮嫰，火喉仲煎得啱啱好添
甜品係蘋果金寶Apple Crumble，頂面仲加咗塊聖誕葉，真係幾有聖誕氣氛！焦糖蘋果片係會有啲甜，不過冰凍嘅雪葩就幫手中和咗，配合脆脆嘅口感，非常滿足！
仲未完嘅，最後點少得杯嘢飲！我就最欣賞呢杯香料熱紅酒，係歐洲聖誕必備嘅飲料。除咗傳統配料丁香、肉桂等，呢杯熱紅酒果味較重，相信都加咗柳橙同檸檬一齊熬煮，紅酒令人暖心微醺，香料又添上一點繽紛，真係有啲想續杯嘅！
今日啲相好似影得幾有feel，全靠呢盞燈光芒四射！
Post
