澳門丸記清湯腩王 (Moved) New Location

石門而家已經愈黎愈多野餐廳簡，中西日韓咩都有，而且愈黎愈多人係呢頭返工，食晏唔早少少落樓下都一定要等位，今次難得早放晏，衝去平時排哂長龍既丸記食，等左５分鐘都唔洗入得座，對於MENU已經滾瓜爛熟，差在睇自己想食飯定食麵，今次自己簡左個豬肉丸河粉＋一碗蘿蔔，同事食海南雞飯。平時出去食粉麵，自己係一定要叫伙記加腩汁，如果唔係實唔夠味，但係丸記會俾到另一番風味黎，因為佢本身既湯底已經係超入味，而佢既蘿蔔係１００分，因為湯底同樣係瑤柱清湯，仲會搵到瑤柱係入面架，好清甜又夠味，蘿蔔夠哂腍同夠哂甜，超好食。惟一係杯凍檸茶失色唔夠茶香味。試左一舊同事既海南雞，正常水平，唔係特別比外間出色，但係肉質嫩滑，抵食。