Video
Read full review
2013-01-24
777 views
閒日午飯時段，需等位四十分鐘，上菜速度極快，呢頭入單，嗰頭已經有嘢食食品有菜乾鹹骨粥，白灼芥蘭，山竹牛肉，蟹子燒賣，焗叉燒包，馬拉糕菜乾鹹骨粥 - 之前網友講嗰啲好嘢全部欠奉，菜乾份量尚可，但欠菜乾香味，豬骨變成鞋拾拾嘅疑似豬肉物體，疑似係因為完全無味，係唔係豬都不得而知，粥底就不過不失啦白灼芥蘭- 最得係佢喇，隔離枱見到都話要整番碟，菜新鮮，翠綠，係硬咗小小，食完三棵之後牙較都軟埋山竹牛肉 - 無牛肉味，有合成調味料嘅味道同梳打味蟹子燒賣 - 所有材料都爽口，但係無鮮味，最突出係燒賣皮嗰浸味焗叉燒包 - 外表係極普通嘅餐包樣，食落都係，餡料係兒時食過嗰啲平價茶檔出品嘅風格，一pat嘢，偏鹹，有一粒叉燒咁 大把馬拉糕 - 嘩，重頭戲！圓形，有成個普通點心蒸籠咁大個，切成六份，顏色係古法馬拉糕嘅啡黃色，賣相極佳，一夾，軟身，但係......一啲承託力都無，心知不妙，入口，咬兩啖就糊哂，中式糕點應有嘅質感全無半點好想問下米芝蓮推介嘅突點係咩，佢地啲食評家係咩來頭，點解咁平平無奇嘅食物質素都推薦奉勸大家慳返啲時間，千祈唔好走去排餐死試呢間嘢。就算唔使排隊都唔值得試
食品有菜乾鹹骨粥，白灼芥蘭，山竹牛肉，蟹子燒賣，焗叉燒包，馬拉糕
菜乾鹹骨粥 - 之前網友講嗰啲好嘢全部欠奉，菜乾份量尚可，但欠菜乾香味，豬骨變成鞋拾拾嘅疑似豬肉物體，疑似係因為完全無味，係唔係豬都不得而知，粥底就不過不失啦
白灼芥蘭- 最得係佢喇，隔離枱見到都話要整番碟，菜新鮮，翠綠，係硬咗小小，食完三棵之後牙較都軟埋
山竹牛肉 - 無牛肉味，有合成調味料嘅味道同梳打味
蟹子燒賣 - 所有材料都爽口，但係無鮮味，最突出係燒賣皮嗰浸味
焗叉燒包 - 外表係極普通嘅餐包樣，食落都係，餡料係兒時食過嗰啲平價茶檔出品嘅風格，一pat嘢，偏鹹，有一粒叉燒咁 大把
馬拉糕 - 嘩，重頭戲！圓形，有成個普通點心蒸籠咁大個，切成六份，顏色係古法馬拉糕嘅啡黃色，賣相極佳，一夾，軟身，但係......一啲承託力都無，心知不妙，入口，咬兩啖就糊哂，中式糕點應有嘅質感全無半點
好想問下米芝蓮推介嘅突點係咩，佢地啲食評家係咩來頭，點解咁平平無奇嘅食物質素都推薦
奉勸大家慳返啲時間，千祈唔好走去排餐死試呢間嘢。就算唔使排隊都唔值得試
Post