金福茶餐廳 (Closed)

人在灣仔搵位食 lunch, 俾金鳳條人龍嚇親之後, 求其入了0黎呢度. 見佢 menu 上除0左奶茶咖啡公仔麵碟頭飯之外, 仲供應 e.g. 日式大碗飯 / 拉麵, 潮州魚麵之類, 但呢度始終係茶記, 穩陣起見, 簡單叫個沙爹牛肉公仔麵餐, 跟火腿奄烈 + 多士及凍奶茶一杯 ($32).先0黎沙爹牛麵, as expected d 沙爹牛係有少少凍的, 唯有將佢同 d 熱辣辣的公仔麵撈埋一齊. 麵淥得0岩0岩好, 爽口彈牙, 意料之外; 牛肉唔太梳打, 但又夠腍, 又係意料之外; 沙爹汁幾香, 不過同九龍城街市頂樓樂園的出品比, 就梗係輸人幾條街啦.叫的係「凍奶茶」, 0黎的就變了「凍奶茶少甜」, 雖然杯0野一般滑, 不過好香茶味, 加上「少甜」後甜度剛好 (咁「正常」的咪甜到甩牙?), 算唔錯.可能太多客人太多單, 火腿奄烈 + 多士要追單先有得食... 兩片多士薄身, 烘得幾鬆化, 不過牛油落得比較少, 食落有「乾哽」的感覺; 見火腿奄烈切開後竟然有蛋汁流出來, 大喜, 不過亦送了唔少蛋殼, 啖啖「霹靂啪0勒」, 認真掃興.環境好迫, 10 個客有 9 個都係麻甩, 哈哈,