Dodam Chicken (利舞臺廣場)

Open Now

Now Closed

中秋節翌日，喺銅鑼灣睇完戲，喺利舞臺行左陣街，就決定揀呢間韓式炸雞食晚飯。典型新派韓式餐廳嘅裝修，入面總係要放幾部大電視，每部播緊唔同嘅節目之餘，喇叭其實係播緊完全唔關事嘅少時或者bigbang。招牌沙律，重點放喺麻醬、花生碎同提子乾，味道唔錯，作為肥膩炸雞嘅配菜恰到好處。Hite Bloody OMG，問左店員話係orange同mango，但我飲唔出，只係覺得佢似香精味。另外叫左Camomile Lemon Tea。香辣卡邦尼年糕，辣味同卡邦尼嘅肥膩互相抵銷，類似嘅菜色好多韓式餐廳都有，但呢間確係做得唔錯。主角來了，叫左雙拼，一款係唔辣嘅甜豉油炸雞，食落係似齋燒鵝咁味；另外一款係香辣炸雞，正常韓式炸雞嘅味道。兩種味嘅炸雞都炸得啱啱好，脆口而肉質嫩滑，一讚。最後埋單，其實有啲貴。