鳳城酒家

Open Now

Now Closed

～ 爽脆生腸傳統小吃、所謂嘅生腸其實係母豬嘅輸卵管、入口爽脆、送酒妙品～ 化皮乳豬合格～ 义燒相對乳豬同生腸、义燒嘅賣相同味道就失色咗小小～ 椒鹽鮮魷魷魚貨色一般、但師傅功夫了得、鮮魷入口皮脆肉嫩又夠鬆化、好味道。～ 家鄕煎藕餅傳統順德小吃、大大碟10 件買 $118 非常抵食、送酒一流～ 釀鯪魚傳統順德餸、個人覺得乾身咗d、未能做到皮脆肉嫩～ 梅菜扣肉齋睇個賣相已經唔係好開胃。。。個汁杰撻撻。。。新派做法？～ 鳯城生菜包合格、要挑剔的話、轉統用鴿鬆嘅做法已經搵唔翻。。。～ 上湯介菜膽合格～菠蘿咕嚕肉豬肉選料肥瘦適中、芡汁做到剛剛均衡地掛到每件豬肉和配料上、唔會多、唔會小、合格～ 家鄕小炒皇只有一句：唔識欣賞。。。油淋淋、濕泣泣、失望 ～ 蓮蓉西米焗布甸兒時回憶、熱辣辣、軟錦錦、傳統風味、必吃之選傳統中式酒樓、希望老板可以俾多兩錢肉緊經營 🙏🏻