馬六

Open Now

Now Closed

今日幫姐姐交表格所以來咗壽富街呢邊，講真無咩事都唔會行呢度（開始邊緣化）因為我陪媽媽一起所以選擇一啲適合老人嘅餐廳餐牌唔知係午餐定全日，但感覺適合午餐多啲！媽媽本身想點檸檬茶，但無只得橙茶不過感覺分別不大（我無飲唔知咩味）我點咗茶燻鴨加肉骨茶，味道無煙鴨胸咁咸（但口感相似）另外廚房切得唔好都切唔斷（小問題）媽媽就係海南雞（都幾滑）個飯都好食，至於肉骨茶我比較鍾意藥材味重嘅！至於呢度就大眾口味，至於咖啡就不值一提（我嘅餐飲）價錢方面叫正正常常，元朗唔算平但又未去到好貴，味道服務中上，咁唔會係專程幫襯嘅餐廳但如果有事經過又肚餓都會再幫襯嘅！