Lex Coffee (Closed)

餐廳的裝修有皇室優雅的感覺，好多小飾物擺設，座位配置都寬敞，坐得舒服。職員服務好好，好快就安排我哋入座，亦都好有禮貌咁介紹佢哋嘅menu，最後我哋兩個人叫左幾款食物一開始食用蟹肉蟹子芒果沙律，蔬菜新鮮，好開胃。之後就再食carbonara，流心蛋好出色好大隻，我哋撈勻之後，整個味道感覺都好好，食落唔會太膩口。之後食咗10安士安格斯肉眼牛扒，7成熟，肉香鮮嫩，唔會韌，肥瘦啱啱好，廚師煎得火候都好好，唔會有煎燶嘅部分，抵讚。最後叫咗杯洋甘菊柚子茶，幾清香，幫助消滯。下次想試下叫3d打印的咖啡，因為係佢哋嘅招牌咖啡，可以彩色打印圖畫落杯咖啡度，絕對係打卡之選。整個晚餐食得好開心滿足，因為環境,服務,食物勝過預期，下次會再嚟試其他食物。