一點心 (通菜街)

Open Now

Now Closed

放假約咗朋友想食點心又唔知食邊間就上網搵到呢間曾經係米芝連嘅點心店，當日冇打去訂枱6點左右去到拎籌好彩都唔使等好耐。等位嗰陣個職員已經派定張落單紙俾我哋落定單慳返好多等食物嘅時間。一坐低就有個侍應姐姐不停幫我哋斟茶加茶，服務好好。個咖哩土魷味道略嫌淡咗少少，不過口感都幾好，好彈牙。食點心蝦餃係我必點嘅其中一樣，佢哋個蝦餃又做到好薄皮好夠味。右邊個鮮蝦腐皮卷同我哋想像中有點出入，原來係炸嘅，定我大鄉里覺得腐皮卷通常都係蒸不過味道都幾好，炸得好脆，放耐咗都唔會話軟晒。鹹水角又係必點嘅點心之一，事關我太鐘意食，呢間嘅鹹水角個皮做到好脆，啲餡嘅味又夠balance，真心推介燒賣就中規中矩啦，整體味道都中上嘅。呢個鱆魚肉餅飯真係好好食，雖然食咗咁多嘢已經好飽，但不得不提佢個肉餅做得好好，肉質嫩滑，仲有粒粒鱆魚喺入面令到口感多咗層次，而且個飯好香粒粒分明值得一試！