南亞1964 (Closed)

琴晚同女友來試下呢間店係唔係傳說中o廿好食,我地就叫o左馬來大餐,海南雞飯,克戟,佢仲送埋紅豆冰,佢d分量都幾多,兩個人食一個餐都夠啦,好啦!講下d野食先,首先,馬來o架喱點會o廿酸,真係有d離譜,亞參,參乜同o架喱雞飯都係酸o既,why?尤其係亞參,真係太酸啦!佢d串燒唔錯,好香花生同沙爹味,係馬來大餐裡面最好食o既一道菜.海南雞飯真係幾好食,尤其係雞油d飯,好香,d雞都幾有雞味同幾滑,唔錯!佢唯一o既缺點就係冇黑鼓油,不過算啦!佢個克戟真係好好食,雖然我地兩個食到好飽,但一食第一啖就好似唔色停o廿,佢好大個,我地都只係食剩少少,一定要試!個紅豆冰都可以試,不過真係好大杯,一定要兩個人先可以食得曬,都唔錯!佢d價錢都算貴,真係食個名,d o架喱真係正宗咩,我真係唔覺,好多茶餐廳d o架喱都好食同正宗過佢,不過d野真係好大碟就真,希望味道方面可以改改啦!