唐包點 (港鐵長沙灣站)

Open Now

Now Closed

頭先放工好肚餓又唔知食乜好之際，地鐵站的唐包點實在係好選擇，即刻買走可以返屋企同老公一路睇電視一路食，方便快捷！叫左章魚肉餅飯、北菇雞飯、燒賣同埋雞扎，驚唔夠飽仲叫多兩個包。先講兩個蒸飯配埋蒸飯豉油簡直一流，章魚肉餅飯冇得輸，不嬲都係我嘅至愛！雞扎估唔到咁多料，芋頭夠粉，仲有舊豬肚喺入面係驚喜嘅，食落都唔算好油。燒賣有四粒，同老公一人兩粒啱啱好。但最後嗰兩個包實在飽到食唔到，睇唔出啲飯盒咁細原來裏面都幾多飯，奶皇包同菜肉包都係留返聽朝整返熱做早餐！想讚下啲食物盒其實都幾保溫，又實淨，環保嘅我梗係洗乾淨之後再重用啦！