合益泰小食

Open Now

Now Closed

合益泰既腸粉一路都好出名，黎到深水埗一定要試下佢！雖然係好出名同埋好多人熱棒，但係價錢都係正常腸粉價，唔會特別貴😌買黎做早餐或者下午茶都唔會肉赤。本身覺得腸粉咪腸粉囉，可以有啲咩咁特別，但係食完之後真係覺得原來係可以有唔同架wor😯腸粉外賣有分四種價錢，$10四條，$15六條，$20八條，$30十二條。另外佢仲有燒賣、魚蛋、豆漿、粥賣。不過黎到，個重點一定係佢地既腸粉🤩  1⃣️腸粉（$10）呢度既姐姐完全係較剪手，chop chop chop三兩下手勢就剪好曬啲腸粉，然後手勢好純熟咁落麻醬、䜴油、甜醬、芝麻。食落腸粉係真係比起平時食到既果啲滑😋好似話佢哋既腸粉係有落豬油整既～滑得黎食落口感算爽彈。呢度既麻醬都係一大重點，麻醬好香🤤下次要叫佢多麻醬先得！