Video
Read full review
2009-06-28
24 views
懶洋咩的星期六, 3:30去鑽石山睇TRANSFORMER2,所以近近地去左小食館食個BRUNCH,男友掛住墨鬚, 我好想食碗仔翅, 好少可同佢同一諗法.粉仔- 其實係味精湯銀針粉, 有冬菇絲, 冬菜, 蔥花, 清清地飽肚之選.碗仔翅- 呢世人食過最多料既碗仔翅, 唔會熙了了, 啖啖粉絲, 肉絲, 冬菇絲, 木耳絲, 唔係溝水, 好味!煎墨鬚- 微熱, 又唔係凍, 唔辣口囉, 一咬就開, 連埋D唔辣既豉椒沙嗲汁, 男友想ENCORE~火牛- 即炸牛丸, 香口, 大粒, 勁熱(氣)炸腸- 炸腸仔囉, 好好味架!雜綿走辣- 即係豬姐, 豬皮, 蘿蔔, 生菜樣樣有D, 豉油汁.道X蜂蜜綠茶- $5, 最適合配以上味精食品.黎呢度食野, 有好多暗號, 唔識唔緊要, 可以昅下人地食緊乜野照叫, 或者叫番你想要既"材料", 例如:炸魚旦- 有分BB旦, 炸旦, 老旦, 鴛鴦旦, 講緊係炸既時間, 老旦...堅硬...炸腸仔- 水槍, 炸腸, 老柴, 同上, 水槍冇炸過只係淥熟, 老柴又係炸到黑晒咁樣...生菜魚肉/ 碗仔翅- COMBINATION極多, 兩溝, 三溝, 翅公, 翅針...呢樣等大
所以近近地去左小食館食個BRUNCH,
男友掛住墨鬚, 我好想食碗仔翅, 好少可同佢同一諗法.
粉仔- 其實係味精湯銀針粉, 有冬菇絲, 冬菜, 蔥花, 清清地飽肚之選.
碗仔翅- 呢世人食過最多料既碗仔翅, 唔會熙了了, 啖啖粉絲, 肉絲, 冬菇絲, 木耳絲, 唔係溝水, 好味!
煎墨鬚- 微熱, 又唔係凍, 唔辣口囉, 一咬就開, 連埋D唔辣既豉椒沙嗲汁, 男友想ENCORE~
火牛- 即炸牛丸, 香口, 大粒, 勁熱(氣)
炸腸- 炸腸仔囉, 好好味架!
雜綿走辣- 即係豬姐, 豬皮, 蘿蔔, 生菜樣樣有D, 豉油汁.
道X蜂蜜綠茶- $5, 最適合配以上味精食品.
黎呢度食野, 有好多暗號, 唔識唔緊要, 可以昅下人地食緊乜野照叫, 或者叫番你想要既"材料", 例如:
炸魚旦- 有分BB旦, 炸旦, 老旦, 鴛鴦旦, 講緊係炸既時間, 老旦...堅硬...
炸腸仔- 水槍, 炸腸, 老柴, 同上, 水槍冇炸過只係淥熟, 老柴又係炸到黑晒咁樣...
生菜魚肉/ 碗仔翅- COMBINATION極多, 兩溝, 三溝, 翅公, 翅針...呢樣等大家諗諗喇~ 好易估架咋!
Post