鐵飯碗

Open Now

Now Closed

Weekend 中午唔係太多人，可以好寧靜咁享受午餐。點菜後送上蝦片及醬料。檳城醬超級惹味，有少少微辣。點蝦片食好絕配。燕麥軟殼蝦好脆口，連蝦殼一啖食，好香口。平時抗拒食蝦頭，今次由蝦頭食到蝦尾。就算過左半個鐘，啲燕麥仲係脆口。胡椒燒鴨有啲似黑椒汁，胡椒味反而食唔到。雖然係燒鴨，但係鴨肉又唔會鞋。食落好似有少少煙燻味。半隻分量兩個人係食唔晒。非常欣賞餐廳服務，侍應們會不停會換碟加水斟茶。係點菜時，主動提醒個set lunch 已經包左兩碗白碗，再加一個麵會太多。係灣仔區值得去既酒店餐廳。