桔梗 (Closed)

係人煙稠密嘅旺角，最近開咗間勁文青feel既台式cafe,而且樓高三層，環境極度寬闊，當然要即刻去感受一下。Cafe名叫〈桔梗〉，位於接近朗豪坊的砵蘭街，地點非常就腳，行完街過嚟坐下食下飯真係非常正。食物選擇嘅種類都唔少架，有三文治，燉飯，brunch，仲有多款唔同嘅飲品以供選擇。店內嘅環境真係超正超舒服，而且每檯客人嘅座位之間都有好寬闊嘅距離，寬闊到差啲係可以覺得係自己嘅私人空間，靜靜地同朋友講下心事都唔怕人哋聽到〈黑糖牛奶〉除咗會同朋友坐低傾下偈，所以先點飲品。朋友話呢杯黑糖牛奶真係同〈大貓堂〉出品有得揮，而且仲冇咁甜仲更多奶香，超正咁話喎。〈蜜香洛神花茶〉我就唔飲凍嘢，所以選養生嘅花茶。酸酸地嘅洛神花加上淡淡嘅蜜糖香味，飲得非常舒暢。〈麵包與無花果奶油和香橙白蘭地起司抹醬（上），桔梗沙拉（下）〉二人套餐包括咗麵包同埋沙律。新鮮爽脆嘅沙律簡單的加上橄欖油同黑醋就已經好好味。但最驚喜嘅係用嚟配麵包嘅香橙白蘭地醬！！淡淡嘅橙花香和微微嘅白蘭地酒香兩個互不搶風頭下竟配搭出非常新鮮的口味。〈串燒~吃燉飯配串燒〉跟住就係本餐最期待既燉飯risotto！！急不及待的先試試上面嘅烤肉及蔬菜串，看