Video
Read full review
2017-05-01
155 views
放工過開來長沙灣呢頭搵個夠朋友放狗，一路行一路講，行行吓轉過彎，在靜靜的街角見到一間裝修得幾stylish ，看似差點以為係coffee shop 的食店，細看之下，竟然係有車仔麵同埋串燒食的，看來係宵夜的好去處喎。反正未食飯，我叫咗碗車仔麵食，一個可愛的男侍應（可能係負責人？ ）推介我試吓佢哋個腩汁，餸我就揀了牛腩同豬腸仲有娃娃菜。首先個牛腩真係淋到好似棉花糖咁！ 而且仲有幾舊牛筋，都係煮到好淋，簡直有入口即溶的感覺，腩汁十分之入味，唔好講笑，係正過好多出面牛腩麵家的質素。而且我覺得佢哋個腩汁好似係甜少少的類型，正合我意。可愛的男孩補充話佢哋個腩汁的而且確係認真製作的，選用多種香料經過長時間熬出來，所以先咁夠味，真係別小看一碗車仔麵的背後，原來可以有人為呢個湯底費盡心思！豬腸都係煮得好入味好淋的，淋得來豬腸本來的質地有少少煙韌，咀嚼間湯汁混着豬腸的油脂滲於口腔之中，呢種滿足真係好難形容……對娃娃菜係情有獨鍾，相信喜愛娃娃菜的先會明白呢種感覺，在美味濃郁的湯汁之中浸沉着幾棵清新的娃娃菜，娃娃菜同時吸收了相當的湯汁，葉身仍帶着豐盈的娃娃菜肉，兩者配搭着，又係一種新味道，好似講得幾誇張，但
放工過開來長沙灣呢頭搵個夠朋友放狗，一路行一路講，行行吓轉過彎，在靜靜的街角見到一間裝修得幾stylish ，看似差點以為係coffee shop 的食店，細看之下，竟然係有車仔麵同埋串燒食的，看來係宵夜的好去處喎。
反正未食飯，我叫咗碗車仔麵食，一個可愛的男侍應（可能係負責人？ ）推介我試吓佢哋個腩汁，餸我就揀了牛腩同豬腸仲有娃娃菜。
首先個牛腩真係淋到好似棉花糖咁！ 而且仲有幾舊牛筋，都係煮到好淋，簡直有入口即溶的感覺，腩汁十分之入味，唔好講笑，係正過好多出面牛腩麵家的質素。而且我覺得佢哋個腩汁好似係甜少少的類型，正合我意。可愛的男孩補充話佢哋個腩汁的而且確係認真製作的，選用多種香料經過長時間熬出來，所以先咁夠味，真係別小看一碗車仔麵的背後，原來可以有人為呢個湯底費盡心思！
豬腸都係煮得好入味好淋的，淋得來豬腸本來的質地有少少煙韌，咀嚼間湯汁混着豬腸的油脂滲於口腔之中，呢種滿足真係好難形容……對娃娃菜係情有獨鍾，相信喜愛娃娃菜的先會明白呢種感覺，在美味濃郁的湯汁之中浸沉着幾棵清新的娃娃菜，娃娃菜同時吸收了相當的湯汁，葉身仍帶着豐盈的娃娃菜肉，兩者配搭着，又係一種新味道，好似講得幾誇張，但總之真係好好味。
在旁粒聲唔出的呢一盅，唔好以為佢係一種平凡的辣椒油……其實佢係一種類似係XO醬的醬料，三郎自家製的，使用櫻花蝦自己炒，我落咗少少試吓，嗰種惹味同蝦香，真係冇得頂。我真心問佢有冇將呢種醬整獨立包裝一罐罐放喺鋪頭度賣，佢當我講笑，其實我真係好想買一罐走……
最令人敬佩係「自家製」三個字！賣碗車仔麵賣得幾多錢？竟然咁大費周章同你又買呢樣又買果樣去又熬湯又整醬汁俾啲客食，三郎真係好過分，做爛市喎。
意猶未盡，叫返個羊架食下啦，可能我張相影得唔夠靚，但上碟時心諗，呢件羊架使唔使咁fancy !真係靚仔到拍得住食西餐嗰啲。可愛侍應向我娓娓道出，佢哋係用咗香草同埋其他調味粉去燒（詳細係咩調味粉我已經忘記了），而且選用了新疆羊因為羊臊味冇咁重香港人比較容易接受，我津津樂道地聽着並且不忘點頭以示認同，其實心裏面，為到三郎對食物的執着感到哇然，我哋又看看價錢：＄30一件， ＄55有兩件添，呢個性價比真係令人情何以堪。
同朋友食多陣，老公打電話過來話一陣來接我，見仲有時間就叫多個燒茄子，又要講講價錢，燒原條蒜蓉茄子大大條＄24 , 火候夠，上面的蒜蓉密集地鋪在茄子上面，當然十分夠味！而呢個燒茄子令人感動之處，就係廚房在燒的時候，係會用多少少水份比例，以代替油份來燒（當然資料都係由可愛侍應提供），因為茄子係好吸油的，雖然燒出嚟可能冇咁香口，但令到食客可以食到比較健康的串燒，聽到一間小本經營的小店，在客人決意食熱氣野之際，仍在背後多做一點多費一點心思，就係為咗食客的健康，果下真係有啲感動。老公來到之後，個茄子都仲未食得晒，不過呢個三郎之旅要結束了，好想快啲再同朋友來食消夜。
Post
