炑八韓烤 (+WOO嘉湖) (Closed)

今日去左炑八燒烤到食lunch，lunch set都算多選擇，而且佢份量大，所以都算抵既。不過唔包飲品，要加8蚊先有凍野飲。朋友揀左名品大醬湯配鰻魚飯，我就揀左特級芝士泡菜五花肉韓式拌飯。本身我諗住搭佢既餐加個小食算，但係又好似唔係好抵咁，所以都係另外叫一個好啲。前菜有芽菜同泡菜。印象中好似芽菜有時會轉做其他野，泡菜就一直都係到既！佢既前菜不嬲都好好食。另有仲有跟一個湯，湯都係正正常常啦，唔會太咸咁。大醬湯配鰻魚飯，賣相麻麻地，但係材料都幾多，有有牛肉，瓜，豆腐等等。但係佢好似忘記左落貝類。。。鰻魚飯本身有紫菜，朋友叫左走紫菜姐。我既泡菜五花肉拌飯，賣相靚，不過肉唔多，芝士都唔夠多。泡菜同前菜一樣，所以好食。同埋佢粟米下面有啲牛油，成個飯馬上好食左！基本上蛋，芝士，牛油撈埋一齊已經好食。