Video
Read full review
2022-08-30
1908 views
放工同朋友喺尖沙咀食飯，我已經收得夜㗎啦，點知成八點半，位於厚福街H8嘅「Outdark」都仲排緊隊🙈。餐廳人氣長期高企！旺角店我食過好幾次，但尖沙咀店都係第一次。呢度嘅裝修同樣係滿天星💫，再加埋偏暗嘅色調，整個氣氛有情調，讓人放鬆。門口牆身彷如首爾嘅情人橋，掛滿色彩繽紛嘅愛情鎖💕🔐。餐廳嘅食物份量多👍，好啱一班人嚟幫襯。我哋一行三人都食唔晒枱上嘅食物，食剩咗啲要打包走。全部食物熱辣辣整起，色香味俱全。雙併炸雞($192/全份)，🍗炸雞直頭堆到成座山一樣，非常震撼。雙併炸雞每款有六大嚿！呢度嘅炸雞特色係無骨，大大啖肉，食得超爽。餐廳為咗保留韓國原始風味，特意配上醃蘿蔔粒同四款醬汁，所以即使嗌原味炸雞，都唔怕會寡。第一款口味係甜辣炸雞，🌶甜辣醬算係經典口味，醬汁比較杰身，似韓式兼辣啲嘅咕哩肉汁。第二款口味係香蒜蜜糖炸雞，🍯蜜糖口味甜甜的，再混入蒜泥，大眾化口味，食到口臭都抵。Outdark炸雞嘅賣點係配上大量炸薯🥔，全部炸至外脆內軟，而且有幾個花款，包括普通薯條、薯格同旋轉薯塊。佢哋絕對能夠同炸雞平分秋色，一樣咁好味。我哋另外再加咗甜薯芝士條($28/3條)，🧀咬開芝士條入面就係拉絲芝士
放工同朋友喺尖沙咀食飯，我已經收得夜㗎啦，點知成八點半，位於厚福街H8嘅「Outdark」都仲排緊隊🙈。餐廳人氣長期高企！
旺角店我食過好幾次，但尖沙咀店都係第一次。呢度嘅裝修同樣係滿天星💫，再加埋偏暗嘅色調，整個氣氛有情調，讓人放鬆。門口牆身彷如首爾嘅情人橋，掛滿色彩繽紛嘅愛情鎖💕🔐。
餐廳嘅食物份量多👍，好啱一班人嚟幫襯。我哋一行三人都食唔晒枱上嘅食物，食剩咗啲要打包走。全部食物熱辣辣整起，色香味俱全。
雙併炸雞
$192
46 views
0 likes
0 comments
第一款口味係甜辣炸雞，🌶甜辣醬算係經典口味，醬汁比較杰身，似韓式兼辣啲嘅咕哩肉汁。
香蒜蜜糖炸雞
50 views
0 likes
0 comments
Outdark炸雞嘅賣點係配上大量炸薯🥔，全部炸至外脆內軟，而且有幾個花款，包括普通薯條、薯格同旋轉薯塊。佢哋絕對能夠同炸雞平分秋色，一樣咁好味。
甜薯芝士條
$28
20 views
0 likes
0 comments
烤牛肉炒粉絲
$98
19 views
0 likes
0 comments
烤牛肉炒粉絲($98)，炒粉絲唔算好大碟，不過味道取勝。🥢炒粉絲絕非平日好頹嗰啲任食前菜質素，而係新鮮炒起，每條均帶有麻油同芝麻香，但又唔會太油膩。粉絲口感彈牙，無漿埋一齊，並且有唔少配料，包括木耳、三色椒同洋蔥等，🥩主角烤牛肉大大片，用醬油燒得好香。
炭豚飯捲($88)，🍙飯捲一客有十件，味道屬正常發揮，未有太大驚喜。飯捲嘅餡仲多過飯，所以唔會太滯，哈哈。餡料有玉子、青瓜、醃黃瓜、紅菜頭、蘿蔔絲同埋炭燒豬肉🐷，豬肉堅係有炭燒嘅香氣，抵讚。
Mojito Ade($38)，餐廳提供多種特色飲品同酒水🍹，價錢唔貴，就好似呢杯Mojito咁勁大杯。梳打好香青檸同薄荷味🌿，又唔會太甜。
總括嚟講，餐廳再次冇令人失望，食物維持高水準，而且唔係其他韓國菜咁重口味。我高度推介過江龍Outdark，佢係本地韓國菜嘅不二之選🇰🇷！
Post
