美利堅京菜 (Closed)

幾年前曾經在美利堅同臨別的舊友餞行,兩圍拍住上,仲記得食物也算不錯.相隔多年,陰差陽錯再來一次.世杯八強德意志對阿根庭前夕,有食友相約睇波,小弟不能,唯有上半場一起吃點東西.睇波會在灣仔區Club ing,順理成章在灣仔開飯.因有個比較Elegant的食友,所以不能去一些茶記麵檔.直行直入生記,去到門口未見有人招呼,只見有身穿阿根庭球衣的外籍女郎大吃大喝.後來有人來招呼,表明來意三位.)唔好意思,無位.失望而回,結果腦海次選,自然諗到去未必堅過美利堅的美利堅.同生記相反,直行直入任坐唔嬲.三個人點都無理由吃得下片皮鴨,求其點些小菜算.拼盤都夠四個人分,(後來有另一人join in).無甚特別.主菜荵爆鴨片,茨汁落得重手過頭,吃不到應有的味道.生菜鴨崧,都係無甚特別,再來客北京餃子,同樣無甚特別.吃罷更覺我家附近"巧興"三鮮餃的可愛.四管齊下,都係同一屋簷下,無特別.算吧,今次真係非戰之罪.鹿鳴春已吃過數次,下次去仙宮樓,諗諗佢.PS:同一日,亦係家駒離開我們正正十三年.家駒,告訴我那邊天色好嘛?